– ەۋرووداق ەلدەرى رەسەي مۇنايىنىڭ ەكپورتىنا قاتىستى ورتاق شەشىمگە كەلدى. جاڭا كەلسىم بويىنشا رەسەيدىڭ ەۋرووداق ەلدەرىنە ەكسپورتتاپ كەلگەن مۇنايى ۇشتەن ەكىگە قىسقارادى. وسىلايشا كرەملدىڭ اسكەري ماشيناسىنان قارجىلاندىرۋ ءىسى ايتارلىقتاي تومەندەيتىن بولادى. بىزدەر سوعىستى توقتاتۋ ءۇشىن رەسەيگە ەكونوميكالىق قىسىم جاساۋدى جالعاستىرا بەرەتىن بولامىز، – دەپ جازدى شارل ميشەل ءوزىنىڭ Twitter پاراقشاسىندا.
ەۋروپا كەڭەسىنىڭ ءتوراعاسى سانكسيالاردىڭ التىنشى پاكەتىندە رەسەيدىڭ جاندى جەرىنە تيەتىن وزگە دە ەكونوميكالىق شەكتەۋلەر بار ەكەنىن اتاپ ءوتتى.
ولار – رەسەيدىڭ نەگىزگى بانكى سبەربانكتى SWIFT جۇيەسىنەن اجىرتاۋ، كرەملدىڭ پروپاگانداسىمەن اينالىساتىن ءۇش مەملەكەتتىك ارناسىنىڭ حابار تاراتۋىن شەكتەۋ جانە رەسەيدىڭ ۋكرايناداعى اسكەري قىلمىسىنا جاۋاپتى ساياسي تۇلعالارعا سانكسيا سالىنعانىن اتاپ ايتۋعا بولادى.
