قازاقستاندا سوڭعى جىلدارى جۇمىسسىزدىق دەڭگەيٸ بٸرتٸندەپ تٶمەندەپ كەلەدٸ. ەگەر 2011 جىلدىڭ بٸرٸنشٸ توقسانىندا ەلدەگٸ جۇمىسسىزدىق دەڭگەيٸ 5,5 پايىز بولسا, 2026 جىلدىڭ العاشقى توقسانىنىڭ قورىتىندىسى بويىنشا بۇل كٶرسەتكٸش 4,5 پايىزعا دەيٸن تٶمەندەگەن, دەپ حابارلايدى dalanews.kz.
قالالىق جەرلەردە جۇمىسسىزدىق دەڭگەيٸ 5,9 پايىزدان 4,5 پايىزعا دەيٸن ازايسا, اۋىلدىق جەرلەردە 5,1 پايىزدان 4,6 پايىزعا تٷسكەن. بۇل ەڭبەك نارىعىنداعى جاعدايدىڭ بٸرتٸندەپ جاقسارىپ كەلە جاتقانىن كٶرسەتەدٸ, دەپ جازادى energyprom.kz. الايدا ەل بويىنشا ورتاشا كٶرسەتكٸشتەرگە قاراماستان, كەيبٸر ٶڭٸرلەردە مەسەلە ٶزەكتٸ كٷيٸندە قالىپ وتىر.
ماڭعىستاۋ جۇمىسسىزدىق بويىنشا انتيليدەر اتاندى
2026 جىلدىڭ بٸرٸنشٸ توقسانىنىڭ قورىتىندىسى بويىنشا ماڭعىستاۋ وبلىسىنداعى جۇمىسسىزدىق دەڭگەيٸ 5 پايىزدى قۇرادى. بۇل رەسپۋبليكالىق ورتاشا كٶرسەتكٸشتەن جوعارى. ٶڭٸردە رەسمي تٷردە 20 مىڭ جۇمىسسىز ادام تٸركەلگەن.
سالىستىرۋ ٷشٸن ايتساق, اتىراۋ جەنە پاۆلودار وبلىستارىندا جۇمىسسىزدىق دەڭگەيٸ 4,9 پايىز بولسا, ەلدٸڭ كٶپتەگەن ٶڭٸرلەرٸندە بۇل كٶرسەتكٸش 4,6 پايىزدان اسپايدى. ال ەڭ تٶمەنگٸ دەڭگەي قاراعاندى وبلىسىندا تٸركەلگەن – 4 پايىز.
ەيەلدەر اراسىنداعى جۇمىسسىزدىق ەڭ جوعارى دەڭگەيگە جەتكەن
ماڭعىستاۋ وبلىسىنداعى ەڭ ٶتكٸر مەسەلە – ەيەلدەردٸڭ جۇمىسپەن قامتىلۋى. ٶڭٸردە ەر ادامدار اراسىنداعى جۇمىسسىزدىق دەڭگەيٸ نەبەرٸ 2 پايىز بولسا, ەيەلدەر اراسىندا بۇل كٶرسەتكٸش 8,4 پايىزعا جەتكەن. بۇل – قازاقستانداعى ەڭ جوعارى كٶرسەتكٸش. رەسپۋبليكا بويىنشا ەيەلدەر اراسىنداعى ورتاشا جۇمىسسىزدىق دەڭگەيٸ 5 پايىزدى قۇرايدى.
وسىلايشا ماڭعىستاۋداعى ەرلەر مەن ەيەلدەر اراسىنداعى جۇمىسسىزدىق ايىرماسى 6,4 پايىزدىق تارماققا جەتٸپ وتىر. مۇنداي ٷلكەن الشاقتىق قازاقستاننىڭ باسقا بٸردە-بٸر ٶڭٸرٸندە بايقالمايدى.
جۇمىسسىزداردىڭ جارتىسىنا جۋىعى ٷي شارۋاسىمەن اينالىسادى
ٶڭٸردەگٸ جۇمىسسىزدىق قۇرىلىمى دا ەڭبەك نارىعىنداعى كٷردەلٸ مەسەلەلەردٸ كٶرسەتەدٸ. 20 مىڭ جۇمىسسىز تۇرعىننىڭ شامامەن 6,9 مىڭى جۇمىس ٸستەمەۋٸنٸڭ نەگٸزگٸ سەبەبٸ رەتٸندە ٷي شارۋاشىلىعىن جٷرگٸزۋدٸ اتاعان. تاعى 3 مىڭ ادام جۇمىسسىزدىقتى وتباسىلىق جەنە جەكە جاعدايلارمەن بايلانىستىرعان. وسىلايشا ٶڭٸردەگٸ جۇمىسسىزداردىڭ جارتىسىنا جۋىعى جۇمىسسىز قالۋ سەبەبٸ رەتٸندە ٷي شارۋاسى مەن وتباسىلىق جاعدايلاردى كٶرسەتكەن.
ساراپشىلاردىڭ پٸكٸرٸنشە, بۇل ەڭ الدىمەن ەيەلدەردٸڭ ەڭبەك نارىعىنا تولىققاندى ارالاسۋىنا كەدەرگٸ كەلتٸرەتٸن ەلەۋمەتتٸك مەسەلەلەردٸڭ بار ەكەنٸن اڭعارتادى.
ۆاكانسييا تاپشى
ماڭعىستاۋدا جۇمىس تابۋدىڭ قيىندىعىن بوس جۇمىس ورىندارىنىڭ ازدىعى دا كٶرسەتەدٸ. Enbek پورتالىنىڭ مەلٸمەتٸنشە, بيىلعى ماۋسىم ايىندا وبلىس بويىنشا نەبەرٸ 658 ۆاكانسييا جارييالانعان. بۇل ەلدەگٸ بارلىق بوس جۇمىس ورىندارىنىڭ 1,2 پايىزى عانا.
قازاقستان بويىنشا ۆاكانسييا سانى بۇدان تٶمەن كٶرسەتكٸش تەك قىزىلوردا وبلىسىندا تٸركەلگەن.
سالىستىرۋ ٷشٸن:
قاراعاندى وبلىسىندا – 2,8 مىڭ ۆاكانسييا;
شىعىس قازاقستان وبلىسىندا – 2,6 مىڭ ۆاكانسييا;
قوستاناي وبلىسىندا – 2,2 مىڭ ۆاكانسييا جارييالانعان.
مۇنايلى ٶڭٸردە مۇناي سالاسىنا جۇمىس از
ۆاكانسييالاردىڭ قۇرىلىمى دا ٶڭٸر ەكونوميكاسىنىڭ ەرتاراپتاندىرىلۋى ەلسٸز ەكەنٸن كٶرسەتەدٸ.
ەڭ كٶپ بوس جۇمىس ورىندارى بٸلٸم بەرۋ سالاسىندا تٸركەلگەن – 93 ۆاكانسييا.
ودان كەيٸن:
مەديتسينا جەنە فارماتسەۆتيكا – 77;
بٸلٸكتٸلٸكتٸ قاجەت ەتپەيتٸن جۇمىستار – 52;
ٶندٸرٸس سالاسى – 39;
قارجى جەنە بۋحگالتەرييا – 30;
مەملەكەتتٸك سەكتور – 26;
كٶلٸك جەنە لوگيستيكا – 24 ۆاكانسييا.
ال ماڭعىستاۋ ەكونوميكاسىنىڭ نەگٸزگٸ تٸرەگٸ سانالاتىن مۇناي-گاز سالاسىندا بار بولعانى 20 ۆاكانسييا عانا ۇسىنىلعان. IT جەنە تەلەكوممۋنيكاتسييا سالاسىندا 6 بوس ورىن بولسا, قۇقىق جەنە تۋريزم سالالارىندا ٷش-ٷش ۆاكانسييادان عانا تٸركەلگەن.
جۇمىس بەرۋشٸلەردٸڭ بەلسەندٸلٸگٸ تٶمەن
HeadHunter پلاتفورماسىنىڭ دەرەكتەرٸنە سەيكەس, 2026 جىلدىڭ بٸرٸنشٸ توقسانىندا اقتاۋ قالاسىنىڭ ٷلەسٸنە قازاقستانداعى بارلىق ۆاكانسييالاردىڭ تەك 1,5 پايىزى عانا كەلگەن. بٸر جىل ٸشٸندە ٶڭٸردەگٸ بوس جۇمىس ورىندارىنىڭ سانى 10,9 پايىزعا قىسقارعان. الماتى قالاسىنىڭ ٷلەسٸنە ەلدەگٸ بارلىق ۆاكانسييالاردىڭ 40 پايىزى تيەسٸلٸ بولسا, استانا – 22,7 پايىزدى, قاراعاندى قالاسى 5 پايىزدان استام ٷلەستٸ يەلەنگەن.
بۇل ماڭعىستاۋ وبلىسىندا جاڭا جۇمىس ورىندارىنىڭ از قۇرىلىپ جاتقانىن جەنە جۇمىس بەرۋشٸلەر بەلسەندٸلٸگٸنٸڭ تٶمەن ەكەنٸن كٶرسەتەدٸ.
مۇنايلى ٶڭٸردەگٸ شەشٸلمەگەن مەسەلە
ساراپشىلار ماڭعىستاۋ وبلىسىنىڭ جوعارى ەكونوميكالىق ەلەۋەتٸنە, ٸرٸ مۇناي-گاز جوبالارىنا جەنە ٶڭٸرگە تارتىلاتىن قوماقتى ينۆەستيتسييالارعا قاراماستان, جۇمىسسىزدىق مەسەلەسٸ جىلدار بويى ٶزەكتٸ بولىپ وتىرعانىنا نازار اۋدارادى. ەسٸرەسە ەيەلدەر اراسىنداعى جۇمىسسىزدىق كٶرسەتكٸشٸ رەسپۋبليكاداعى ەڭ جوعارى دەڭگەيدە قالىپ وتىر. بۇل قولدانىستاعى جۇمىسپەن قامتۋ باعدارلامالارى مەن ەكونوميكانى ەرتاراپتاندىرۋ شارالارى ەزٸرگە كٷتكەن نەتيجەنٸ تولىق بەرە الماي وتىرعانىن كٶرسەتەدٸ.
