قازاقستاننىڭ دٷنيەجٷزٸلٸك ساۋدا ۇيىمى اياسىنداعى قىزمەت كٶرسەتۋ سالاسىنا قاتىستى مٸندەتتەمەلەرٸن جاڭارتاتىن زاڭ جوباسى قۇرىلتاي وتىرىسىندا قارالدى, دەپ حابارلايدى Dala News.
دەپۋتات د.ك. رايحانوۆا زاڭ جوباسى قازاقستاننىڭ دسۇ-نىڭ قىزمەتتەر بويىنشا ٸشكٸ رەتتەۋ قاعيدالارىنا قوسىلۋىن كٶزدەيتٸنٸن ايتتى. تيٸستٸ ٶزگەرٸستەر 2021 جىلعى 2 جەلتوقساندا جەنەۆادا قابىلدانعان.
ونىڭ ايتۋىنشا, قازاقستاننىڭ قىزمەتتەردٸ ٸشكٸ رەتتەۋ قاعيدالارىنا قوسىلۋى ساۋدا-ەكونوميكالىق ينتەگراتسييانى دامىتۋ جەنە ەلدٸڭ جاھاندىق ساۋدا جٷيەسٸندەگٸ ۇستانىمىن نىعايتۋ باعىتىنداعى كەزەكتٸ قادام بولماق.
بۇل قاعيدالار قىزمەت كٶرسەتۋ سالاسىنداعى ليتسەنزييالاۋ مەن بٸلٸكتٸلٸك تالاپتارىنا, سونداي-اق ولاردى قولدانۋ رەسٸمدەرٸنە قويىلاتىن تالاپتاردى ناقتىلاۋعا باعىتتالعان. دسۇ ماتەريالدارىندا دا قازاقستاننىڭ وسى باعىتتاعى جاڭا تەرتٸپتەردٸ ەزٸرلەۋگە بەلسەندٸ قاتىسقانى جەنە ولاردىڭ ليتسەنزييالاۋ, بٸلٸكتٸلٸك پەن تەحنيكالىق ستاندارتتارعا بايلانىستى ساۋداعا شەكتەۋشٸ ەسەردٸ ازايتۋعا باعىتتالعانى كٶرسەتٸلگەن.
قازاقستان اتالعان قاعيدالاردى ەزٸرلەۋگە قاتىسقان ەلدەردٸڭ بٸرٸ. ولاردى ٸسكە اسىرۋ قىزمەت كٶرسەتۋ سالاسىنداعى ەكٸمشٸلٸك رەسٸمدەردٸ جەڭٸلدەتٸپ, رەتتەۋدٸڭ اشىقتىعىن ارتتىرۋعا جەنە نارىق قاتىسۋشىلارى ٷشٸن تٷسٸنٸكتٸ تالاپتار قالىپتاستىرۋعا مٷمكٸندٸك بەرەدٸ.
قاعيدالار بٸرنەشە نەگٸزگٸ باعىتتى قامتيدى. بٸرٸنشٸدەن, ليتسەنزييالاۋ رەسٸمدەرٸ اشىق ەرٸ نەگٸزدٸ بولۋى تيٸس. ەكٸنشٸدەن, ٶتٸنٸشتەردٸ قاراۋ مەرزٸمدەرٸ ناقتى بەلگٸلەنٸپ, قابىلدانعان شەشٸمدەر نەگٸزدەلۋٸ قاجەت. ٷشٸنشٸدەن, ەلەكتروندىق سەرۆيستەردٸ پايدالانۋ كەڭەيتٸلەدٸ. تٶرتٸنشٸدەن, قىزمەت كٶرسەتۋشٸلەرگە قويىلاتىن بٸلٸكتٸلٸك تالاپتارى تٷسٸنٸكتٸ ەرٸ كەمسٸتۋسٸز بولۋى تيٸس.
سونىمەن قاتار بۇل قاعيدالار مەملەكەتتٸڭ قىزمەت كٶرسەتۋ سالاسىن رەتتەۋ ٶكٸلەتتٸگٸن شەكتەمەيدٸ. ولار بەلگٸلەنگەن تالاپتاردى اشىق جەنە كەمسٸتۋسٸز قولدانۋدى كٶزدەيدٸ.
رايحانوۆانىڭ ايتۋىنشا, جاڭا تالاپتاردىڭ ەنگٸزٸلۋٸ ينۆەستيتسييا تارتۋعا, قازاقستاندىق قىزمەتتەردٸڭ ەكسپورتىن ۇلعايتۋعا جەنە ەلدٸڭ حالىقارالىق نارىقتاعى پوزيتسيياسىن نىعايتۋعا ىقپال ەتۋٸ مٷمكٸن.
دسۇ تالاپتارىنا سەيكەس, حالىقارالىق كەلٸسٸمدەر مەن قازاقستاننىڭ ۇيىمعا قوسىلۋ حاتتاماسى راتيفيكاتسييالانعاننان كەيٸن ەلدٸڭ ٸشكٸ زاڭناماسىنىڭ بٸر بٶلٸگٸنە اينالادى.
ەكونوميكالىق ساياسات, ٶنەركەسٸپ جەنە ەنەرگەتيكا كوميتەتٸ زاڭ جوباسىن بٸرٸنشٸ وقىلىمدا ماقۇلداۋدى ۇسىندى.
