كاسىپكەر، ورتالىق ازيا فرانچايزينگ قاۋىمداستىعىنىڭ ءتورايىمى گۇلبانۋ مايعارينا قىرعىزستاننان ەڭسەسى ءتۇسىپ قايتقانىن ايتادى. ويتكەنى ولاردىڭ جوبالارى سىرت ينۆەستورلارعا تۇك قىزىق بولماعان. سوندىقتان ول 2026 جىلعا قاتىستى قازاقستان، قىرعىزستان، وزبەكستان سىندى ءۇش ەلدەگى سالىقتىق جۇكتەمەنى سالىستىرا وتىرىپ، تالداۋ جاسايدى. ءسويتىپ دابىل قاعادى، دەپ حابارلايدى Dalanews.kz.

"قازاقستان، قىرعىزستان، وزبەكستان سىندى ءۇش ەلدەگى سالىقتىق جۇكتەمەنى سالىستىرا وتىرىپ، تالداۋ جاسادىم. ودان شىعاتىن قورىتىندى مىنانداي:قىرعىزستان مەن وزبەكستان بيزنەستى ارزانداتىپ، ينۆەستورعا سەنىمدىلىك بەرسە، ال قازاقستاندا جاناما سالىقتاردى ارتتىرىپ، شوب ءۇشىن جوعارى مولشەرلەمەلەر بەكتىلەدى. مۇندايدا كاپيتاليستەر ءۇشىن تاڭداۋ ايقىن. ءبىز ينۆەستورلار ءۇشىن ءتيىمسىز بولامىز!!!!!"، دەپ جازادى Facebook-تەگى پاراقشاسىندا كاسىپكەر.

ونى ايقىنداي ءتۇسۋ ءۇشىن ول سيفرلاردى دا "سويلەتكەن":

قازاقستان (01.01.2026 باستاپ):

• ققس: 16% (12% بولعان)؛ تىركەۋ شەگى — 10 000 اەك (~39،32 ملن ₸).
• كتس: 20% (25% — بانكتەر جانە ويىن بيزنەسى؛ الەۋمەتتىك سالا: 2026 جىلى 5%، 2027 جىلدان باستاپ 10%؛ اوك — ءتيىمدى 3%).
• جتس: پروگرەسسيا 10% / 15%؛ بازالىق شەگەرىم 30 اەك.
• ارنايى سالىق رەجيمى: ءوزىن-وزى جۇمىسپەن قامتىعاندار: 0% جتس + الەۋمەتتىك جارنالار تابىسىنان 4% (ايىنا 300 اەك دەيىن).
• وڭتايلاندىرىلعان سالىق جۇيەسى: اينالىمنان 4% (ليميت جىلىنا 600 000 اەك دەيىن)، جەرگىلىكتى بيلىك بۇل مولشەردى 50%-عا دەيىن تومەندەتە الادى.
• ءسان-سالتانات سالىعى: مۇلىك >450 ملن تەڭگە - 2% اسقان جاعدايدا (كەم دەگەندە 2 946 600 ملن تەڭگە).

قىرعىزستان (2025 جىلعى 4-5 تامىزداعى جارلىق):

• راقىمشىلىق: 01.01.2022 جىلعا دەيىن سالىق بەرەشەكتەرىن ەسەپتەن شىعارۋ؛ وسى كەزەڭدەگى تەكسەرۋلەرگە موراتوريي (ءبىرقاتار ەرەكشەلىكتەر) جاريالاۋ.
• مۇلىك سالىعى (اۆتو): جويىلعان.
• اۋىل شارۋاشىلىعى جەر تەلىمدەرىنە ارنالعان جەر سالىعى: نولدىك مولشەرلەمە مەرزىمى ۇزارتىلدى.
• ءبىرىڭعاي سالىق:
• ساۋدا-ساتتىق - كىرىستەن 0،5% (كىرىس شەگى 50 ملن سوماعا دەيىن كوتەرىلدى).
• زەرگەرلىك بۇيىمداردى ءوندىرۋ / ساتۋ - 0،25%
• "زاڭداستىرىلعان سۋبەكتىلەر" ءۇشىن ساتۋ سالىعى - 4%.
• 0،1% جانە 1% سىياقى مولشەرلەمەلەرى جويىلدى.

وزبەكستان (01.01.2026 جىلدان باستاپ):

• جك جانە ءوزىن-وزى جۇمىسپەن قامتۋشىلار 1 ملرد اينالىم سوماسىنا دەيىن - اينالىمنان 1% سالىق.

نەلىكتەن قازاقستان ءقازىر ينۆەستورلار ءۇشىن ءتيىمسىز؟

"سالىق پايىزى وتە جوعارى.  شاعىن جانە ورتا بيزنەستى ماسشتابتاۋ كەزىندە قازاقستان 16% ققس-قا تەز "تۇسەدى" جانە اينالىمنان 4% تولەيدى، ءتىپتى، جەڭىلدىككە ءىلىنىپ، 2% تولەگەننىڭ وزىندە بۇل كورشىلەردەن 2-4 ەسە قىمبات. بولشەك ساۋدا جانە تاماقتانۋ سالاسى باسەكەلەستىك جاعىنان باعا ارتىقشىلىعىن جوعالتادى. 16% ققس B2C ورتاسىندا باعاعا قىسىمدى كۇشەيتەدى، ايماقتىق باسەكەلەستىك جاعدايىندا بۇل اينالىم مەن مارجاعا تىكەلەي سوققى بولىپ تيەدى. كورشىلەردەگى راقىمشىلىقتار، موراتورييلەر جانە اسا قاراپايىم ستاۆكالارى اياسىندا قازاقستان فيسكالدىق جۇكتەمەسى جوعارى جانە ينۆەستورلاردى "ىنتالاندىرۋدىڭ" از جيىنتىعىنا يە يۋريسديكسياعا ۇقسايدى. كاپيتالدى كوپ قاجەت ەتەتىن جوبالارعا قاتىستى الاڭداۋشىلىق كۇشەيۋدە.  تابىسى 450 ملن تەڭگەدەن  جوعارىلارعا سالىناتىن "ءسان-سالتانات" سالىعى - اكتيۆتەردىڭ ءبىر بولىگى ءۇشىن قوسىمشا تۇراقتى تولەم (جوعارى سىنىپتى كوممەرسيالىق جىلجىمايتىن مۇلىك جانە ت.ب.)، بولماق. سەكتورلىق پرەفەرەنسيالار ۇلكەن كورىنىستى وزگەرتپەيدى. ءيا، الەۋمەتتىك سالا/اوك جەڭىلدىكتەر الادى، ءبىراق جاپپاي شوب — ينۆەستيسيالىق اعىننىڭ نەگىزى — جوعارى تۇراقتى مولشەرلەمەلەرگە ۇرىنادى. بۇدان شىعاتىن قورىتىندى: 2026 جىلدا قازاقستان، قىرعىزستان، وزبەكستان ۇشتىتىگىندە قازاقستان شوب جانە بولشەك جوبالار ءۇشىن باسەكەگە قابىلەتى تومەن يۋريسديكسيا بولىپ تابىلادى. سەبەبى، بىرىنشىدەن، جوعارى ققس (16%)،   "اينالىم قۇنىنىڭ" جوعارىلىعى (جەڭىلدەتىلگەننىڭ ءوزى - 4%)، كورشىلەردەگى 0،5%/1% سىندى تۇبەگەيلى قاراپايىم جانە ارزان رەجيمدەردىڭ بولماۋى، بيزنەسكە دەگەن سەنىمنىڭ تومەندىگى (راقىمشىلىق/موراتوريي). ينۆەستور ءۇشىن بۇل تازا رەنتابەلدىلىكتىڭ تومەندىگىن جانە ءونىمنىڭ تۇپكىلىكتى باعاسىنىڭ ايقىنسىزدىعىن (رەتتەۋشىلەردىڭ ارالاسۋى) بىلدىرەدى. كۇن كەشە عانا قىرعىزستاننان كەلدىم. بارلىق كەزدەسۋلەردەن كەيىن تالداۋ جاساپ، ءوزىم قاتتى تاڭ قالدىم. بولىسە وتىرىڭىزدار، مۇمكىن ءبىزدىڭ ءۇنىمىز جوعارى جاققا جەتىپ قالار"، دەپ ءسوزىن تۇيىندەيدى گۇلبانۋ مايعارينا. 

بۇعان دەيىن سايتىمىزدا "الدىنان جارىلقاسىن!". ەكونوميست ەلىمىزدە بيزنەس گەنوسيدى جۇرگەلى جاتقانىن ەسكەرتتى" دەگەن ماقالا جاريالانعان بولاتىن. سونداي-اق بىزدەن "ساراپشى جاڭا سالىق كودەكسىنىڭ ءۇش داۋلى تۇسىن اتاپ ءوتتى" دەگەن ماتەريالدى دا وقي وتىرىڭىزدار.