IT سالاسىن مەڭگەرگىسى كەلەتىن، ءارى ءوز مۇمكىندىگىن پاش ەتۋگە تىرىساتىن مۇگەدەك جاستارعا قول ۇشىن سوزۋدان تايىنباي كەلە جاتقان زاحيرا بەگالييەۆا دارىندى بالالاردىڭ باسىن قوسقان ءىس-شارانى بيىل دا ۇيىمداستىردى.
الماتىنىڭ "تاۋ تۇران" ساۋىقتىرۋ ايماعىندا ۇيىمداستىرىلعان ساۋاپتى ىسكە "شيەۆرون" كومپانياسى قولداۋ كورسەتكەنىن ايتا كەتۋىمىز كەرەك.
شاراعا قاتىسۋ ءۇشىن ەلىمىزدىڭ تۇكپىر-تۇكپىرىندە ىرىكتەۋ سايىستارى وتكىزىلىپ، ITeachMe كومانداسى تۇركىستان، وسكەمەن، سەمەي، كەنتاۋ، تاراز، تالدىقورعان جانە ت. ب. 10-نان استام قالانى ارالادى.
وففلاين ىرىكتەۋ تۋرلارىنا 300-دەن استام قاتىسۋشى قاتىستى، سونداي-اق 400-دەن استام ءونلاين-وتىنىم الىندى، ءبىراق تەك ەڭ مىقتىلارى، ءوز ءومىرىن جاقسى جاققا وزگەرتۋگە ۇمتىلىسىن دالەلدەگەندەر ىرىكتەۋ تۋرلارىنان ءوتىپ، ITeachMe ستۋدەنتتەرى اتاندى.
قازىرگى تاڭدا بىرەگەي ورتالىققا اينالعان "ITeachme" وسىناۋ جوبانى سوڭعى بىرنەشە جىل بويىنا ۇزبەي وتكىزىپ كەلەدى.
– مۇگەدەك ازاماتتاردى قولداۋدا ءالى دە ولقىلىق كوپ. ءبىز وسى كەمشىلىكتىڭ ورنىن تولتىرعىمىز كەلدى. "شيەۆرون" كومپانياسىنىڭ قولداۋىمەن ورتالىقتىڭ تۇساۋىن كەسىپ، وسى باعىتتا اتقارىلار جۇمىستى الدىن-الا جوسپارلاپ الدىق. ورتالىقتى اشۋدان بۇرىن مىناداي ماسەلەگە نازار اۋداردىق. بىرىنشىدەن، «مۇگەدەكتىك» ستاتۋسى بار ادامدار كوبىنە «مۇگەدەك ادام نە ىستەي الادى؟»، «مەنەن باسقانىڭ ءبارى كىنالى»، «ۇكىمەت بىزگە كومەكتەسۋگە ءتيىس» دەگەن پوزيسيانى ۇستانادى.
ەكىنشىدەن، مەملەكەت مۇگەدەكتىگى بار ادامعا قامقور بولا الادى. ۇشىنشىدەن، مەملەكەتتىك باعدارلامالاردىڭ جانە ۇكىمەتتىك ەمەس ۇيىمدار باستامالارىنىڭ تيىمدىلىگى تومەن ەكەنى بايقالادى.
تورتىنشىدەن، مۇگەدەكتىگى بار ادامداردا «قاراۋىندا بولۋ» پوزيسياسى بار. وسى اتالعان ءتورت ماسەلەنى نەگىزگە الىپ، «ITeachme» كومپەتەنسيالار دامىتۋ ورتالىعى» قوعامدىق قورىن قۇردىق. ورتالىق وقىتۋ، جۇمىسقا ورنالاستىرۋ، سۇيەمەلدەۋ باعىتىندا جۇمىس اتقارادى، – دەدى وسى ورايدا زاحيرا بەگالييەۆا.
ارباعا تاڭىلعان جاستارعا ءوز جوبالارىن جۇزەگە اسىرۋعا جاردەمدەسەتىن ورتالىقتىڭ بيىلعى باسقوسۋى موتيۆاسيا تاقىرىبىنا ارنالدى.
جاستارعا ارناپ قىزىقتى دا تۇششىمدى ترەنينگ وتكىزگەن سپيكەرلەر ءوزىنىڭ جەتىستىككە جەتۋ جولىنداعى قۇپياسىمەن ءبولىستى. مۇگەدەكتىك ادامنىڭ ماقساتىنا جەتۋگە كەدەرگى كەلتىرمەيتىنىن، بارلىعى ادامنىڭ ىنتى-ىقىلاسىنا، ومىرگە دەگەن قۇشتارلىعىنا بايلانىستى بولارىن تىلگە تيەك ەتتى.
شاراعا شاقىرتۋ العان جاستارمەن سىر بولىسكەن بەلگىلى جۋرناليست سەرگەي سوچنيەۆ ادام قارىم-قابىلەتى مەن ەڭبەكتەنە بىلۋدەگى بايلانىستى ءسوز ەتسە، Dalanews.kz سايتىنىڭ باس رەداكتورى دۋمان بىقاي كاسىپ باستاۋدىڭ قىر-سىرىمەن ءبولىستى. جاستار ءوز تاراپىنان سپيكەرلەرگە ساۋال قويۋعا مۇمكىندىك الىپ، وزدەرىن قىزىقتىرعان تاقىرىپقا قاتىستى تولىمدى جاۋاپ الدى.
"قازىرگى جاستارعا قانداي قابىلەت قاجەت؟ ولار قانداي داعدىنى مەڭگەرۋى ءتيىس؟ ومىردەن ءوز ورنىڭدى تابۋى ءۇشىن سۇيىكتى ماماندىعىڭ قانشالىقتى سۇرانىستى بولارىن ساراپتاۋ كەرەكسىڭ. وسى ورايدا مۇگەدەكتىگى بار الايدا دارىنى اسىپ-تاسىپ تۇرعان، ءوزىن-وزىن تانىتقىسى كەلەتىن جاستارعا ITeachMeء-دىڭ ءارقاشان ەسىگى اشىق"، – دەيدى ورتالىق وكىلدەرى.
ورتالىق ديرەكتورى زاحيرا بەگالييەۆانىڭ باستاماسىمەن قۇرىلعان بۇل جوبانىڭ ومىرگە قۇشتار ازاماتتارعا بەرەرى مول. مۇگەدەكتىگى بار ادامداردى وقىتۋ جانە ولاردى الەۋمەتتىك ورتاعا بەيىمدەۋ بولىپ تابىلاتىن ورتالىقتىڭ بۇگىنگى تاڭدا اتقارىپ جاتقان جۇمىسى ەرەن.
بيىلعى ITeachMe-جاستار لاگەرى بارلىق ساقتىق شارالارىن قامتاماسىز ەتىپ، وففلاين فورماتتا ءوتتى. مۇمكىندىگى شەكتەۋلى جاستاردىڭ ءورىسىن اشاتىن شارا جاز بويىنا جالعاسادى.
