IT salasyn meńgergisi keletin, ári óz múmkindigin pash etýge tyrysatyn múgedek jastarǵa qol ushyn sozýdan taiynbai kele jatqan Zahira Begalieva daryndy balalardyń basyn qosqan is-sharany biyl da uiymdastyrdy.
Almatynyń "Taý Turan" saýyqtyrý aimaǵynda uiymdastyrylǵan saýapty iske "Shevron" kompaniiasy qoldaý kórsetkenin aita ketýimiz kerek.
Sharaǵa qatysý úshin elimizdiń túkpir-túkpirinde irikteý saiystary ótkizilip, ITeachMe komandasy Túrkistan, Óskemen, Semei, Kentaý, Taraz, Taldyqorǵan jáne t. b. 10-nan astam qalany aralady.
Offlain irikteý týrlaryna 300-den astam qatysýshy qatysty, sondai-aq 400-den astam onlain-ótinim alyndy, biraq tek eń myqtylary, óz ómirin jaqsy jaqqa ózgertýge umtylysyn dáleldegender irikteý týrlarynan ótip, ITeachMe stýdentteri atandy.
Qazirgi tańda biregei ortalyqqa ainalǵan "ITeachme" osynaý jobany sońǵy birneshe jyl boiyna úzbei ótkizip keledi.
– Múgedek azamattardy qoldaýda áli de olqylyq kóp. Biz osy kemshiliktiń ornyn toltyrǵymyz keldi. "Shevron" kompaniiasynyń qoldaýymen ortalyqtyń tusaýyn kesip, osy baǵytta atqarylar jumysty aldyn-ala josparlap aldyq. Ortalyqty ashýdan buryn mynadai máselege nazar aýdardyq. Birinshiden, «Múgedektik» statýsy bar adamdar kóbine «Múgedek adam ne istei alady?», «Menen basqanyń bári kináli», «Úkimet bizge kómektesýge tiis» degen pozitsiiany ustanady.
Ekinshiden, memleket múgedektigi bar adamǵa qamqor bola alady. Úshinshiden, memlekettik baǵdarlamalardyń jáne úkimettik emes uiymdar bastamalarynyń tiimdiligi tómen ekeni baiqalady.
Tórtinshiden, múgedektigi bar adamdarda «qaraýynda bolý» pozitsiiasy bar. Osy atalǵan tórt máseleni negizge alyp, «ITeachme» kompetentsiialar damytý ortalyǵy» qoǵamdyq qoryn qurdyq. Ortalyq oqytý, jumysqa ornalastyrý, súiemeldeý baǵytynda jumys atqarady, – dedi osy oraida Zahira Begalieva.
Arbaǵa tańylǵan jastarǵa óz jobalaryn júzege asyrýǵa járdemdesetin ortalyqtyń biylǵy basqosýy motivatsiia taqyrybyna arnaldy.
Jastarǵa arnap qyzyqty da tushymdy trening ótkizgen spikerler óziniń jetistikke jetý jolyndaǵy qupiiasymen bólisti. Múgedektik adamnyń maqsatyna jetýge kedergi keltirmeitinin, barlyǵy adamnyń ynty-yqylasyna, ómirge degen qushtarlyǵyna bailanysty bolaryn tilge tiek etti.
Sharaǵa shaqyrtý alǵan jastarmen syr bólisken belgili jýrnalist Sergei Sochnev adam qarym-qabileti men eńbektene bilýdegi bailanysty sóz etse, Dalanews.kz saitynyń bas redaktory Dýman Byqai kásip bastaýdyń qyr-syrymen bólisti. Jastar óz tarapynan spikerlerge saýal qoiýǵa múmkindik alyp, ózderin qyzyqtyrǵan taqyrypqa qatysty tolymdy jaýap aldy.
"Qazirgi jastarǵa qandai qabilet qajet? Olar qandai daǵdyny meńgerýi tiis? Ómirden óz ornyńdy tabýy úshin súiikti mamandyǵyń qanshalyqty suranysty bolaryn saraptaý kereksiń. Osy oraida múgedektigi bar alaida daryny asyp-tasyp turǵan, ózin-ózin tanytqysy keletin jastarǵa ITeachMe-diń árqashan esigi ashyq", – deidi ortalyq ókilderi.
Ortalyq direktory Zahira Begalievanyń bastamasymen qurylǵan bul jobanyń ómirge qushtar azamattarǵa bereri mol. Múgedektigi bar adamdardy oqytý jáne olardy áleýmettik ortaǵa beiimdeý bolyp tabylatyn ortalyqtyń búgingi tańda atqaryp jatqan jumysy eren.
Biylǵy ITeachMe-jastar lageri barlyq saqtyq sharalaryn qamtamasyz etip, offlain formatta ótti. Múmkindigi shekteýli jastardyń órisin ashatyn shara jaz boiyna jalǵasady.
