مۇعالىمدەر زاڭ بويىنشا وزىنە ءتان ەمەس باسقا جۇمىسقا تارتىلمايدى – مارات سۇلتانعازييەۆ

Dalanews 24 تام. 2022 07:42 661

بۇگىن قونايەۆ قالاسىندا 2022 جىلعى پەداگوگيكالىق قىزمەتكەرلەردىڭ وبلىستىق تامىز كەڭەسىنىڭ پلەنارلىق وتىرىسى ءوتىپ، وعان الماتى وبلىسى اكىمى مارات سۇلتانعازييەۆ پەن ق ر وقۋ-اعارتۋ ءمينيسترى اسحات ايماعامبەتوۆ قاتىستى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

وتىرىستى اشقان الماتى وبلىسىنىڭ اكىمى مارات ەلەۋسىز ۇلى وبلىس بولىنگەن ساتتەن باستاپ اۋقىمدى ءىس-شارالاردىڭ بىرىنە اينالعان ءداستۇرلى تامىز كەڭەسى مەملەكەت قايراتكەرى دىنمۇحامەد احمەت ۇلى قونايەۆتىڭ 110 جىلدىق مەرەيتويىمەن تۇسپا-تۇس كەلگەنىن اتاپ ءوتتى.

ءوز بايانداماسىندا اكىم ءبىلىم بەرۋ سالاسىنداعى جەتىستىكتەر، جوسپارلار تۋرالى حاباردار ەتتى. پروبلەمالىق ماسەلەلەر دە نازاردان تىس قالعان جوق.  پەداگوگتاردى ولاردىڭ فۋنكسيونالدىق لاۋازىمدارىنا سايكەس كەلمەيتىن جۇمىسقا تارتۋ وزەكتى پروبلەمالاردىڭ ءبىرى بولىپ تابىلادى.


– بۇگىن بارلىق اكىمدەر مەن باسقارما باسشىلارىنا "پەداگوگ مارتەبەسى تۋرالى" زاڭعا سايكەس پەداگوگتەردىڭ وزىنە ءتان ەمەس فۋنكسيالارعا  تارتىلمايتىندىعى تۋرالى ەسكەرتكىم كەلەدى، – دەپ اتاپ ءوتتى مارات سۇلتانعازييەۆ.

ۇسىنىلعان
سوڭعى جاڭالىقتار