Búgin Qonaev qalasynda 2022 jylǵy pedagogıkalyq qyzmetkerlerdiń oblystyq Tamyz keńesiniń plenarlyq otyrysy ótip, oǵan Almaty oblysy ákimi Marat Sultanǵazıev pen QR Oqý-aǵartý mınıstri Ashat Aımaǵambetov qatysty, – dep habarlaıdy Dalanews.kz Almaty oblysy ákiminiń baspasóz qyzmetine silteme jasap.

Otyrysty ashqan Almaty oblysynyń ákimi Marat Eleýsizuly oblys bólingen sátten bastap aýqymdy is-sharalardyń birine aınalǵan dástúrli Tamyz keńesi memleket qaıratkeri Dinmuhamed Ahmetuly Qonaevtyń 110 jyldyq mereıtoıymen tuspa-tus kelgenin atap ótti.

Óz baıandamasynda ákim bilim berý salasyndaǵy jetistikter, josparlar týraly habardar etti. Problemalyq máseleler de nazardan tys qalǵan joq.  Pedagogtardy olardyń fýnksıonaldyq laýazymdaryna sáıkes kelmeıtin jumysqa tartý ózekti problemalardyń biri bolyp tabylady.

– Búgin barlyq ákimder men basqarma basshylaryna "Pedagog mártebesi týraly" Zańǵa sáıkes pedagogterdiń ózine tán emes fýnksıalarǵa  tartylmaıtyndyǵy týraly eskertkim keledi, – dep atap ótti Marat Sultanǵazıev.