مەجٸلٸس پەداگوگ مەرتەبەسٸ, بٸلٸم بەرۋ, دەنساۋلىق ساقتاۋ جەنە بالا قۇقىقتارىن قورعاۋ مەسەلەلەرٸ جٶنٸندەگٸ زاڭدى ەكٸنشٸ وقىلىمدا قابىلدادى, دەپ حابارلايدى dalanews.kz.
زاڭ مەملەكەت باسشىسىنىڭ پەداگوگتەردٸڭ قۇقىقتارى مەن مٷددەلەرٸن زاڭنامالىق دەڭگەيدە قورعاۋدى كٷشەيتۋ جٶنٸندەگٸ تاپسىرماسى اياسىندا ەزٸرلەنگەن.
قۇجاتتاعى ەڭ ماڭىزدى ٶزگەرٸستەردٸڭ بٸرٸ - مۇعالٸمدەردٸڭ جاۋاپكەرشٸلٸگٸن ساباق ۋاقىتىمەن عانا شەكتەۋ بولدى. وسىعان دەيٸن قوعامدا مەكتەپ وقۋشىلارىنا قاتىستى تٷرلٸ وقيعالاردان كەيٸن مۇعالٸمدەر مەن مەكتەپ ديرەكتورلارى ساباقتان تىس ۋاقىتتا بولعان جاعدايلار ٷشٸن دە جاۋاپقا تارتىلىپ كەلگەن.
بۇل مەسەلەنٸ مەجٸلٸس دەپۋتاتى, ەكس-بٸلٸم مينيسترٸ اسحات ايماعامبەتوۆ بٸرنەشە رەت كٶتەرگەن بولاتىن. ونىڭ ايتۋىنشا, ەلدە سوڭعى جىلدارى مۇعالٸمدەرگە ارتىق جاۋاپكەرشٸلٸك جٷكتەلٸپ كەتكەن.
«جازعى دەمالىس كەزٸندە, تٷنگٸ ۋاقىتتا نەمەسە دەمالىس كٷندەرٸ بولعان جاعدايلار ٷشٸن مۇعالٸمدەردٸ جازالاۋ دۇرىس ەمەس. ٶكٸنٸشكە قاراي, بٸزدە مۇنداي تەجٸريبە بولدى. وقۋشى كٶشەدە تٶبەلەسسە دە, تٷندە بٸر جاعدايعا تاپ بولسا دا, ەڭ الدىمەن مەكتەپ ديرەكتورىن نەمەسە سىنىپ جەتەكشٸسٸن كٸنەلاۋعا تىرىسادى. بۇل ەدٸلەتسٸز», - دەدٸ ايماعامبەتوۆ مەجٸلٸس كۋلۋارىندا.
دەپۋتاتتىڭ سٶزٸنشە, مۇعالٸمنٸڭ مٸندەتٸ ساپالى بٸلٸم بەرۋ مەن تەربيە جۇمىسى, ال اتا-انالاردىڭ جاۋاپكەرشٸلٸگٸن ەشكٸم الماستىرماۋى كەرەك.
«كانيكۋل, كەشكٸ ۋاقىت, دەمالىس كٷندەرٸ بۇل اتا-انانىڭ تٸكەلەي جاۋاپكەرشٸلٸگٸ. مۇعالٸم بەرٸنە تەۋلٸك بويى جاۋاپ بەرۋگە مٸندەتتٸ ەمەس. بٸز پەداگوگتٸ باقىلاۋشى ورگانعا اينالدىرىپ جٸبەردٸك. سونىڭ كەسٸرٸنەن مۇعالٸمنٸڭ نەگٸزگٸ جۇمىسى ەكٸنشٸ ورىنعا تٷسٸپ قالدى», - دەدٸ دەپۋتات.
زاڭداعى ٶزگەرٸستەر تەك جاۋاپكەرشٸلٸك مەسەلەسٸمەن شەكتەلمەيدٸ. قۇجاتتا مۇعالٸمدەردٸ ارتىق بيۋروكراتييالىق جٷكتەمەدەن قورعاۋعا باعىتتالعان نورمالار دا ەنگٸزٸلگەن.
ەندٸ پەداگوگتەردەن بٸر ەسەپتٸ قاعاز جەنە ەلەكتروندى فورماتتا قاتار جٷرگٸزۋ تالاپ ەتٸلمەيدٸ. سونىمەن بٸرگە مەكتەپتەردە ۇيالى تەلەفونداردى پايدالانۋ بويىنشا بٸرىڭعاي ەرەجەلەر ەنگٸزٸلەدٸ.
اسحات ايماعامبەتوۆ بۇعان دەيٸن مۇعالٸمدەردٸڭ WhatsApp چاتتارىنداعى شامادان تىس جٷكتەمەسٸن دە سىنعا العان ەدٸ.
«كەيبٸر مۇعالٸمدەر تەۋلٸگٸنە ونداعان چاتتا وتىرادى. تٷندە اتا-انالار جازادى, دەمالىستا حابارلاسادى. مۇعالٸمنٸڭ دە جەكە ٶمٸرٸ بار. ول ساباقتان كەيٸن مٸندەتتٸ تٷردە WhatsApp-تا جاۋاپ بەرۋگە تيٸس ەمەس», - دەگەن بولاتىن دەپۋتات.
ونىڭ پٸكٸرٸنشە, مەكتەپتەردە بايلانىسقا ارنالعان رەسمي تسيفرلىق پلاتفورمالار بولۋى قاجەت, ال پەداگوگتەردٸڭ جەكە تەلەفون نٶمٸرٸ بارشاعا قولجەتٸمدٸ بولماۋى تيٸس.
زاڭ اياسىندا اتا-انالاردىڭ جاۋاپكەرشٸلٸگٸ دە كەڭەيتٸلدٸ. بالالاردىڭ ٶمٸرٸ, دەنساۋلىعى مەن قاۋٸپسٸزدٸگٸنە قاتىستى مٸندەتتەر ەندٸ ناقتىراق بەكٸتٸلەدٸ.
سونىمەن قاتار قۇجاتتا قازاقستاندا شەتەلدٸك جەتەكشٸ ۋنيۆەرسيتەتتەردٸڭ فيليالدارىن اشۋعا قاتىستى نورمالار قاراستىرىلعان. ولار تەك مەملەكەتتٸك بٸلٸم بەرۋ ستاندارتتارىن ساقتاعان جاعدايدا عانا جۇمىس ٸستەي الادى.
بۇدان بٶلەك, جوعارى مەديتسينالىق بٸلٸم بەرۋ جٷيەسٸنە ٶزگەرٸستەر ەنگٸزٸلدٸ. ەندٸ ينتەگراتسييالانعان مودەل بويىنشا ستۋدەنتتەر 6 جىل جوعارى وقۋ ورنىندا بٸلٸم الىپ, كەيٸن 1 جىل تولىققاندى ينتەرناتۋرادان ٶتەدٸ. وقۋدى اياقتاعان تٷلەكتەر مەديتسينالىق پراكتيكامەن اينالىسۋ قۇقىعىنا يە بولادى.
