مۇعالٸم قىز: "مەندە جەكە ٶمٸر جوق پا?"
بٷگٸن مەن ٶز كەسٸبٸم تۋرالى ايتقىم كەلەدٸ. مەن مۇعالٸممٸن.
كەمشٸلٸگٸ:
1. جالاقى. 50-55 مىڭ ايلىقپەن ۇزاققا شاپپايسىڭ. شاماڭ بەلگٸلٸ. مٷمكٸندٸگٸڭ شەكتەۋلٸ. قارىزعا ٶمٸر سٷرەسٸڭ. قارىز الاسىڭ, قارىز قايتاراسىڭ. جولىمنىڭ ٶزٸنە جالاقىمنىڭ تەڭ جارتىسى كەتەدٸ.
2. جۇمىس كەستەسٸ. جۇمىستى قاي ۋاقىتتا باستايتىنىڭ ماڭىزدى ەمەس. تاڭەرتەڭ كەلسەڭ دە, تٷستە كەلسەڭ دە بەرٸبٸر سەن جۇمىستا ٶمٸر سٷرەسٸڭ. مەسەلەن مەن 8-دەن تٷسكٸ ساعات 1-گە دەيٸن جۇمىس ٸستەسەم دە, تىنىش وتىرعىزبايتىنىن بٸلەم. تٷسكٸ اسىمدى اپىل-عۇپىل ٸشەم دە بٸرەۋدٸڭ ورنىنا ساباق بەرەم. سەبەبٸ, مۇعالٸم مٷلدەم جەتٸسپەيدٸ. سەنٸڭ 12 ساعات بويى تٸكەڭنەڭ تٸك تۇرىپ جۇمىس ٸستەگەنٸڭ ەشكٸمدٸ قىزىقتىرمايدى. مەكتەپ سەنٸڭ ٷيٸڭە اينالادى. كٶزٸڭنٸڭ استى ٸسٸپ كەتكەن تٷرٸڭمەن جٷرگەنٸڭ. مۇندايدا ٶز-ٶزٸڭدٸ كٷتۋگە شاماڭ دا, قۇلقىڭ دا بولمايدى. ٷزٸپ-جۇلىپ ٸشكەن تاماعىڭ دەنساۋلىققا ەسەر ەتەدٸ.
3. قاعازباستىلىق. بٸتپەيتٸن ەسەپ. جوسپارلار. كەستەلەر. ەشكٸمگە كەرەك ەمەس, بٸر قۇشاق پاپكٸ قۇشاقتاپ جٷرگەنٸڭ. بۇل پاپكٸدەگٸ اقپار كوميسسيياعا ارنالعان. ال كوميسسيياعا قاراساڭ, ولار وسى مەكتەپتە ٶمٸر سٷرەتٸن سيياقتى.تاۋسىلمايتىن تەكسەرٸس. بٸزدٸڭ كوميسسيياعا دايىن ەكەنٸمٸزدٸ تاعى بٸر كوميسسييا تەكسەرەدٸ. تەكسەرۋشٸلەر سەنٸڭ سىنىبىڭداعى بالالاردىڭ سانىنان كٶپ. بٸر قۇجاتىڭ تولىق بولمادى ەكەن, كوميسسييا شاشىڭدى جۇلادى. سەنٸ اقىماق قىپ كٶرسەتۋگە تىرىسادى. سوسىن دەپتەر...كٶتەرۋدەن شارشايسىڭ. قۇشاعىڭا سىيمايدى. سىنىبىڭدا 37 بالا بار بولسا, وسى 37-نٸ 4-كە كٶبەيتٸڭٸز. كٶبەيتتٸڭٸز بە, مٸنە وسىنشا دەپتەردٸ ارقالاپ جٷرەسٸڭ, ونىسى ٶز الدىنا بۇلاردى تەكسەرۋ كەرەك.
4. پەتەر ارالاۋ. جىلىنا ەكٸ رەت جازدا جەنە جاڭا جىلدان كەيٸن ساقىلداعان سارى ايازدا پەتەر ارالاپ جاسى 0-دەن 18-گە دەيٸنگٸ بالالاردى ساناقتان ٶتكٸزەمٸز. قاشان, قايدا تۋدى. قايدا وقيدى. ەگەر بٸزدٸڭ مەكتەپتە وقىماسا, ونىڭ مەكتەبٸنە بارىپ, انىقتاما الامىز. ەرقايسىمىزعا 100-200 پەتەردەن بەرٸپ قويعان. بٸزدٸڭ ادامدار دا دولى عوي. ەسٸگٸن اشپايدى, تارس جاۋىپ الادى. بوقتاپ تاستايدى. تيٸسەتٸندەر دە تابىلادى. وسىنىڭ بەرٸنە تٶزۋ كەرەك. انىقتاما جينامادىڭ, ساعان تيٸستٸ پەتەرگە كٸرمەدٸڭ ەكەن ەسكەرتۋ الاسىڭ. 3 رەت ەسكەرتۋ الساڭ جۇمىستان قۋىپ شىعادى.
5. سىرتقى كەلبەتٸڭ مەن جەكە ٶمٸرٸڭ... تۋرالى جازىپ تا كەرەگٸ جوق. ٷستٸڭ بور-بور, سييا-سييا, تٸپتٸ ەجەڭ دە كيمەيتٸن كيٸممەڭ جٷرگەنٸڭ. جۇمىستاعى جۇرتتىڭ دەنٸ ەيەل. ەيەل بولعاندا دا شەتٸنەن دولى, اشۋلانشاق كٷيەۋگە شىقپاعان نەمەسە جالعىزباستى قاتىندار. ٶمٸردەن قاجىعان فيزرۋك. يە, سەنٸ دە سونداي تاعدىر كٷتٸپ تۇر, روكسولانا. بٸر-ەكٸ جىل كٷت. سەن دە سولاردىڭ كەبٸن كيەسٸڭ. مەكتەپتٸڭ وتىمەن كٸرٸپ, كٷلٸمەن شىعىپ زومبيعا اينالعان قىزدى كٸم الادى? كەنە, كٸم بار? ەشكٸم ٷندەمەيدٸ عوي! جٸگٸتتەر دە قىزىق. "قىدىرمايتىن, ٷيدە وتىراتىن قىز كەرەك" دەگەندە سوندايسىڭدار. مەن كلۋبىڭ اتىڭ ەستٸگەنٸم بولماسا, زاتىن كٶرگەن ادام ەمەسپٸن. تاڭعى ساعات 6-دا تۇرسام قايداعى كلۋب. بۇل ۋاقىتتا مەنٸڭ قۇرداستارىم ٶمٸردٸڭ قىزىعىن كٶرٸپ جٷر. كيگەندەرٸ كەرەمەت كٶيلەك, وپا-دالاپ, جاساندى قاس...ال مەن بولسام, بۇل ۋاقىتتا بالالاردىڭ باقىلاۋ جۇمىستارىن تەكسەرٸپ وتىرام. يە, ەركەكتەر كٷتٸمدٸ قىزدى جاقسى كٶرەدٸ, مويىنداۋىم كەرەك. سوندا مەندە جەكە ٶمٸر جوق پا? ول قاشان پايدا بولادى?
6. ەندٸ جۇمىسىمنىڭ جاقسى جاعى تۋرالى ايتسام. ول بٸرەۋ عانا. بالالار. ولار سەنٸ شىن كٶڭٸلمەن جاقسى كٶرەدٸ. ەرينە, بۇل ٷشٸن ولاردىڭ ماحابباتىنا لايىقتى ۇستاز بولۋىڭ كەرەك. مىسالعا, مەن سيياقتى. مەن مەكتەپكە كەلگەندە, ولار الدىمنان شىعادى. قۇشاقتايدى. ساعىنىپ قالعانىن ايتادى. مٸنە, سول كەزدە بۇل كەسٸپتٸ نەگە تاڭداعانىڭدى تٷسٸنەسٸڭ. كەيبٸر قوشاقاندار قاتەلەسٸپ مەنٸ ماما دەپ قويادى. كٷندەرٸنٸڭ قالاي ٶتكەنٸن ەڭگەمەلەپ بەرەدٸ. سەن ولاردىڭ ەڭ جاقىن دوسىسىڭ. سولاي.
P.s. ەگەر مەنٸ وسى جازبا ٷشٸن جۇمىستان شىعارىپ تاستاسا, مەنٸ جۇمىسقا الىڭىزدارشى.
