قازاقستان ناۋرىزدىڭ ورتاسىندا كوروناۆيرۋس تاراعان تۇستا حالىقارالىق ەۋە رەيستەرٸ مەن جولاۋشىلار اۆتوبۋسىن ەلگە كٸرگٸزۋدٸ توقتاتقان.
قولدارىنا قازاقستان پاسپورتىن ۇستاپ تۇرعانداردىڭ بٸرٸ: «ناۋرىز ايىندا موڭعوليياعا كەلگەن ەدٸك. كورونوۆيرۋسقا بايلانىستى قايتا الماي قالدىق. ول جاقتا بٸرەۋٸمٸزدٸڭ تۋىسىمىز, بٸرەۋٸمٸزدٸڭ باۋىرىمىز, بٸرەۋٸمٸزدٸڭ بالامىز قالدى» دەيدٸ.
موڭعولييادا قالىپ قويعان قازاقستان ازاماتى ورازاي عالىمبەكۇلى ازاتتىققا موڭعولييادان قازاقستانعا قايتا الماي وتىرعاندار جٷزدەن اساتىنىن ايتتى. ونىڭ جىرتىسىنان كٶبٸ بايان-ٶلگەي ايماعىندا, قالعاندارى موڭعولييا استاناسى ۋلانباتور قالاسىندا ەكەنٸن العا تارتتى.
– ناۋرىز ايىندا اتام قايتىس بولىپ, سوعان كەلگەن ەدٸم. قازاقستاندا, اقمولا وبلىسىندا اياعى اۋىر ەيەلٸم قالعان ەدٸ. جاقىندا ۋاقىتىنان بۇرىن بوساندى. قازٸر وتباسىما جەتە الماي وتىرمىن, – دەيدٸ عالىمبەكۇلى.
موڭعولييادان قايتا الماي قالعان قازاقستان ازاماتى بارىن سىرتقى ٸستەر مينيسترلٸگٸنٸڭ باسپاسٶز قىزمەتٸنٸڭ جەتەكشٸسٸ ايبەك سماديياروۆ تا راستادى. مينيسترلٸك ٶكٸلٸنٸڭ ايتۋىنشا, موڭعولييادا قالعانداردىڭ قازٸرشە ناقتى سانى بەلگٸسٸز. 22 مامىر كٷنٸ قازاقستاننىڭ موڭعوليياداعى ەلشٸسٸ جالعاس ەدٸلباەۆ بايان-ٶلگەي ايماعىنا بارىپ, قايتا الماي قالعاندارمەن كەزدەسٸپ قايتقان.
– قازٸر موڭعولييا-رەسەي تاراپتارىمەن كەلٸسسٶز جٷرگٸزٸلٸپ, ولاردى اۆتوبۋسپەن ەلدە ۇشاقپەن ەكەلۋ مەسەلەسٸ قاراستىرىلىپ جاتىر. ۇشاق قوندىرۋعا بايان-ٶلگەيدٸڭ ەۋەجايى ىڭعايسىز, كٶپ ۇشاقتىٸ قابىلداي بەرمەيدٸ جەنە ول جاقتا قالعانداردىڭ بارلىعى بٸردەي ۇشاقتىڭ قارجىسىن ٶتەۋگە قاۋقارسىز. ال اۆتوبۋسپەن الىپ قايتۋ ٷشٸن ەكٸ ەلدٸڭ اراسىنا ارنايى دەلٸز جاساۋ كەرەك. ول ٷشٸن مەسكەۋمەن كەلٸسۋ كەرەك. سوندىقتان دا ولاردى الىپ قايتۋ مەسەلەسٸ كەشەۋٸلدەپ جاتىر, – دەدٸ سماديياروۆ ازاتتىققا.
موڭعولييانىڭ باتىسىندا ورنالاسقان بايان-ٶلگەي ايماعىندا قازٸر شامامەن 100 مىڭداي قازاق تۇرادى.
