بۇل جونىندە مولدوۆانىڭ سىرتقى ىستەر ءمينيسترى ميحاي پوپشوي Radio Moldova راديوسىنىڭ ەفيرىندە مالىمدەگەن. ونىڭ ايتۋىنشا، بۇل كەلىسىمدەردىڭ كۇشى جويىلعاننان كەيىن مولدوۆا زاڭدى ءارى رەسمي تۇرعىدا تمد قۇرامىنان شىعادى. ءمينيستردىڭ سوزىنشە، ەلدىڭ دوستاستىقتاعى مۇشەلىگى ءبىراز ۋاقىت بۇرىن-اق توقتاتىلعان.

دەنونساسيالاناتىن قۇجاتتار قاتارىندا 1993 جىلعى 22 قاڭتاردا مينسكىدە قابىلدانعان تمد جارعىسى، 1991 جىلعى 8 جەلتوقساندا قول قويىلعان تمد-نى قۇرۋ تۋرالى كەلىسىم جانە سول كەلىسىمگە 1991 جىلعى 22 جەلتوقساندا بەكىتىلگەن قوسىمشا بار.

ميحاي پوپشوي پروسەسس ءقازىردىڭ وزىندە ءجۇرىپ جاتقانىن ايتىپ، پارلامەنت دەپۋتاتتارى بۇل قۇجاتتاردى جاڭا سەسسيانىڭ باسىندا قاراستىراتىنىن جەتكىزدى. ونىڭ بولجامىنشا، ۇكىمەتتەگى راسىمدەر اقپاننىڭ ورتاسىنا قاراي اياقتالىپ، سوڭعى شەشىم پارلامەنتتە قابىلدانادى.

سىرتقى ىستەر ءمينيسترى بۇل قادامدى مولدوۆانىڭ ەۋروپالىق باعىتتاعى ساياساتىن نىعايتۋدىڭ ماڭىزدى كەزەڭى دەپ اتادى.