تۋريزم جەنە سپورت مينيسترلٸگٸ شاحماتشى بيبٸسارا اساۋباەۆانىڭ پرەزيدەنت قاسىم-جومارت توقاەۆقا جولداعان ٷندەۋٸنەن كەيٸن شۇعىل بريفينگ ٶتكٸزٸپ, سپورتشىنى قارجىلاندىرۋ مەسەلەسٸنە قاتىستى تٷسٸنٸكتەمە بەردٸ, دەپ حابارلايدى dalanews.kz.
تۋريزم جەنە سپورت ۆيتسە-مينيسترٸ سەرٸك جاراسپاەۆتىڭ ايتۋىنشا, بيبٸسارا اساۋباەۆاعا حالىقارالىق جارىستارعا دايىندالۋ ٷشٸن مەملەكەت تاراپىنان قوماقتى قاراجات بٶلٸنٸپ كەلەدٸ.
ونىڭ سٶزٸنشە, 2025 جىلى زاڭناماعا ەنگٸزٸلگەن ٶزگەرٸستەرگە بايلانىستى شاحمات وليمپيادالىق سپورت تٷرلەرٸنٸڭ قاتارىنان شىعارىلعان. سوعان سەيكەس تاريفتٸك تور قايتا قارالىپ, سپورتشىنىڭ ايلىق جالاقىسى شامامەن 1 ميلليون تەڭگەدەن 300 مىڭ تەڭگەگە دەيٸن تٶمەندەگەن.
سوعان قاراماستان, مينيسترلٸك ٶكٸلدەرٸ سوڭعى جىلدارى بيبٸسارا اساۋباەۆانى دايىنداۋعا بٶلٸنەتٸن قارجى كٶلەمٸ ارتىپ وتىرعانىن اتاپ ٶتتٸ. ۆەدومستۆو مەلٸمەتٸنشە, بيىل عانا حالىقارالىق جارىستارعا دايىندىق ٷشٸن ارنايى قوردان 100 ميلليون تەڭگە بٶلٸنگەن. ال سوڭعى ٷش جىلدا سپورتشىنىڭ دايىندىعىنا باعىتتالعان قاراجات كٶلەمٸ 243 ميلليون تەڭگەگە جۋىقتاعان.
سەرٸك جاراسپاەۆ سونداي-اق شاحماتشىعا بەرٸلگەن ٸٸ دەرەجەلٸ «بارىس» وردەنٸنٸڭ تابىستالماۋىنا قاتىستى پٸكٸر بٸلدٸردٸ.
«بۇل ماراپات سپورتشىعا ەلٸ جەتكەن جوق دەگەن اقپارات بار. نەگٸزٸندە ول 8 ناۋرىز مەرەكەسٸنە وراي اقوردادا تاپسىرىلۋى تيٸس ەدٸ. الايدا بيبٸسارانىڭ جارىس كەستەسٸ تىعىز بولعاندىقتان, ٸس-شاراعا قاتىسا المادى. ەلگە ورالعاننان كەيٸن ماراپات مٸندەتتٸ تٷردە جەكە تابىستالادى», – دەدٸ ول.
ەسكە سالايىق, بۇعان دەيٸن ەلەمنٸڭ بٸرنەشە دٷركٸن چەمپيونى بيبٸسارا اساۋباەۆا مەملەكەت باسشىسىنا ۆيدەوٷندەۋ جولداپ, كەسٸبي سپورتشىلاردى قولداۋ مەسەلەسٸنە نازار اۋدارۋدى سۇراعان بولاتىن. شاحماتشىنىڭ ايتۋىنشا, حالىقارالىق جارىستارعا دايىندىق كەزٸندە كەيبٸر شىعىنداردى ٶزٸ مەن اتا-اناسى كٶتەرۋگە مەجبٷر بولعان.
