"مىنانى ايتپا" دەدى". بايجانوۆ بار شىندىقتى ايتاتىنىن جەتكىزدى

كوركەم الدابەرگەنوۆا 11 ءساۋ. 2024 15:43 5191

باقىتجان بايجانوۆ العاشقى كۇندەرى نە ءۇشىن باسقاشا ايعاقتار بەرگەنىن ءتۇسىندىردى،- دەپ حابارلايدى Dalanews.kz.

بايجانوۆتىڭ سوزىنشە، باستاپقىدا ول قورقىپ تۇرعان. 

"ال ەكىنشى رەت مەنى ۇستاعان كەزدە مەندە ادۆوكات بولدى. سول ادۆوكات ماعان "مىنانى ايتپا، مىنانى ايتپا" دەدى. سوسىن جەلتوقسان ايىندا ول ادۆوكات بيشىمبايەۆتىڭ ادۆوكاتتارىمەن ارالاسىپ جۇرگەنىن ءتۇسىندىم. سول ءۇشىن ول ادۆوكاتتى الىپ تاستادىم. 

ودان بولەك، مەنىڭ ايتىپ جاتقانىمنىڭ ءبارى شىندىق. سوتتالسام سوتتالىپ كەتەيىن، ءبىراق مەن شىندىقتى ايتامىن"، - دەيدى باقىتجان بايجانوۆ.

ايتا كەتەيىك،باقىتجان بايجانوۆقا قىلمىستىق كودەكستىڭ ەكى بابى بويىنشا ايتىپ تاعىلعان:

  • 432-بابى (اسا اۋىر قىلمىستى جاسىرىپ قالۋ)؛
  • 434-بابى (اسا اۋىر قىلمىستى حابارلاماۋ).

بۇعان دەيىن باقىتجان بايجانوۆ مالىمدەمە جاساعان بولاتىن. بايجانوۆ قايعىلى وقيعا بولعان كۇنى سالتانات نۇكەنوۆانى بىرنەشە رەت كورگەنىن ايتتى. ول سالتانات مەيرامحاناعا بۇرىن دا ءجيى كەلگەنىن ايتادى. بايجانوۆ گاستروورتالىقتا 2022 جىلدان بەرى ديرەكتور قىزمەتىن اتقارعان. 

ارتىنشا ەكس-مينيستر قۋاندىق بيشىمبايەۆقا قاتىستى سوت وتىرىسىندا بيشىمبايەۆتىڭ تۋىسى ءارى ەكىنشى ايىپتالۋشى باقىتجان بايجانوۆ وقيعا بولعان ءتۇن تۋرالى تاعى ءبىر دەرەكتى ايتتى. 

بۇعان دەيىن سوت وتىرىسىندا باقىتجان بايجانوۆتىڭ ادۆوكاتى سوتقا ءوتىنىش جاساعان بولاتىن. ونىڭ سوزىنشە، بايجانوۆ بيشىمبايەۆتان بولەك وتىرعىسى كەلەتىنىن ايتتى.

"بيشىمبايەۆتى بايجانوۆتان الىس وتىرعىزۋ قاجەت. بايجانوۆ وزىنە قىسىم كورسەتىلىپ جاتىر دەپ سانايدى. ولاردىڭ اراسىندا كيكىلجىڭ بولىپ جاتىر. تىم قۇرىعاندا ەرتەڭگى وتىرىستا قۋاندىقتان اۋلاق وتىرسا بولار ەدى"، - دەدى بايجانوۆتىڭ ادۆوكاتى.

كەيىن مۇنى بيشىمبايەۆتىڭ ءىنىسى بايجانوۆتىڭ ءوزى دە راستادى.

"ول ماعان جاۋاپ بەرۋ كەزىندە "بىلاي ايت، بىلاي ايت" دەپ قىسىم كورسەتىپ جاتىر"، - دەدى بايجانوۆ. 


ۇسىنىلعان
سوڭعى جاڭالىقتار