پروكۋراتۋرا «مەتروپوليتەن» مەكەمەسىنىڭ بۇرىنعى باسشىلارىمەن بىرگە جەر استى جولىن سالۋعا قاتىسقان «الماتىمەتروقۇرىلىس» جانە «اۆتوماتيزاسيا جانە تەحنولوگيي-سەرۆيس» مەكەمە باسشىلارى مەملەكەتتىڭ 5 ملرد تەڭگەسىن تالان-تاراجعا سالعانىن انىقتادى.
اقپارات كوزدەرىنىڭ حابارلاۋىنشا، الماتى مەتروسىنىڭ جاڭا باعىتىن سالۋ كەزىندە سىبايلاستار ءبىر كۇندىك مەكەمەلەر قۇرىپ، مەتروعا قاجەتتى جابدىقتاردى شامادان تىس باعاعا ساتىپ العان.
قۇقىق قورعاۋ ورگاندارى ولاردىڭ قۇرال-جابدىقتاردى نارىقتاعى باعادان 10 ەسە قىمبات باعاعا ساتىپ العانىن انىقتادى.
قازىرگى تاڭدا مەملەكەتتىڭ قولدى بولعان قىرۋار قارجىسىن قايتارۋ ءۇشىن پروكۋراتۋرا ءىستى بولعانداردىڭ قىمبات ءۇش پاتەرىن، الماتى قالاسىنداعى كەڭسە عيماراتىن، الماتى وبلىسى اۋماعىنداعى جەر تەلىمىن، قىمبات كولىكتەرى مەن ساعاتتارىن جانە وزگە دە اكتيۆتەرى بۇعاتتاعاندارىن العا تارتتى.
