مەشٸتتەر جانىنداعى جازعى مەكتەپتەر جاستاردىڭ دٸني ساۋاتتىلىعىن كٶتەرۋدە
قازٸرگٸ تاڭدا ورتا بٸلٸم بەرۋ مەكەمەلەرٸندە جاس جەتكٸنشەكتەردٸڭ دٸني ساۋاتىن كٶتەرۋگە قاتىستى ارنايى ساباق جٷرگٸزٸلمەيدٸ. قازاقستان زايىرلى مەملەكەت بولعاندىقتان, مەكتەپتەردە دٸني ساۋاتتىلىق جٶنٸندەگٸ ساباقتاردىڭ ەنگٸزٸلمەگەنٸن تٷسٸنۋگە بولادى.
باياعىدا اتا-ەجەلەرٸمٸز «باقيلىق بولساق, سوڭىمىزدان قۇران وقيسىڭ» دەپ بالا كەزٸمٸزدە بەرٸمٸزگە دۇعا-سٷرەلەردٸ جاتتاتۋشى ەدٸ. قازٸرگٸ تاڭدا جاستاردىڭ دٸني ساۋاتىن اشۋداعى العاشقى ەلٸپپەسٸ ينتەرنەت بولىپ تۇر. عالامتوردا كٶڭٸلگە قونىمدى دٷنيەنٸ تابۋ قيىن. ينتەرنەتتٸڭ الدىندا ساعاتتاپ وتىرعاندا دەسترۋكتيۆتٸ اعىمداردىڭ تۇزاعىنا تٷسٸپ قالۋىڭ ەبدەن مٷمكٸن. سوندىقتان دٸني ساۋاتتىلىعىن كٶتەرۋگە ۇمتىلعان جاستارعا عالامتور شامشىراق بولا المايدى.
ەندٸ قايتپەك كەرەك? بۇل تىعىرىقتان شىعاتىن جول بار ما? بار. بٷگٸندە ەلٸمٸزدەگٸ بارلىق ەلدٸ مەكەندەردە مەشٸتتەر بار. دٸني ساۋاتتىلىعىن كٶتەرۋگە, دٸنگە قاتىستى قانداي دا بٸر سۇراققا جاۋاپ ٸزدەگەن ادام وسى مەشٸتتە جۇرتقا باعىت-باعدار بەرٸپ وتىرعان قازاقستان مۇسىلماندارى دٸني باسقارماسىنىڭ ٶكٸلٸ يمامدارعا كەلٸپ, كەڭەس الىپ, مازالاعان سۇراقتارىن قويۋعا بولادى. يمام الدىنا كەلٸپ كەڭەس سۇراعان ادامعا دۇرىس باعىتتى نۇسقايتىنى انىق.
بەس ۋاقىت نامىز وقىپ, ساقالىن قويا بەرٸپ كٶشەدە جٷرگەن ادامنىڭ بەرٸ دٸندەر دەپ ايتا المايسىڭ. ولاردىڭ نە ويى بار ەكەنٸن ەشكٸم دە بٸلمەيدٸ.
Dalanews.kz اقپاراتتىق اگەنتتٸگٸ جاستاردىڭ جات اعىمنىڭ جەتەگٸندە كەتپەۋٸ ٷشٸن ٶزدەرٸ تۇراتىن اۋماقتاعى مەشٸتتەرمەن تىعىز بايلانىس ورناتۋعا كەڭەس بەرەدٸ. مەشٸتتەگٸ يمامدار مۋفتيياتتىڭ سول جەردەگٸ ٶكٸلٸ. ولار اتا-بابامىز ۇستانعان دەستٷرلٸ دٸندٸ ناسيحاتتاۋشى تۇلعالار. سوندىقتان ويىڭىزدا دٸنگە قاتىستى قانداي دا بٸر سۇراق تۋىنداسا, يمامدارمەن اقىلداسقان لەزٸم. وسى رەتتە جاستاردىڭ دٸني ساۋاتتىلىعىن ارتتىرۋعا قاتىستى كٶكەيٸمٸزدەگٸ سۇراقتى بٸلٸكتٸ تەولوگ مامان بەردٸمۇرات قاسىموۆقا قويعاندا, تٶمەندەگٸدەي تۇشىمدى جاۋاپ الدىق.
– بٷگٸندە ەلٸمٸزدە دٸنگە بەت بۇرعىسى كەلەتٸن جاستار كٶپ. بٸز ٷشٸن وسى جاستاردىڭ جات اعىمداردىڭ ارباۋىنا تٷسٸپ قالماعانى كەرەك. ال ەر اۋداندا مەدرەسە اشىپ, جاستاردىڭ دٸني ساۋاتتىلىعىن جەتٸلدٸرەتٸن مٷمكٸنشٸلٸك جوق. بٸراق ەر اۋىلدا دٸني باسقارماعا تٸركەلگەن مەشٸتتەر جۇمىس ٸستەيدٸ. حالىق اراسىندا دٸني اعارتۋشىلىقتى ارتتىرۋ ٷشٸن وسى مەشٸتتەردٸڭ مٷمكٸنشٸلٸگٸن پايدالانعان ابزال بولادى. قازٸر مەشٸتتەردٸڭ جانىنان جاستارعا ارناپ جازعى مەكتەپتەر جۇمىس ٸستەيدٸ. اۋىل-ايماقتاعى بالالار جازعى دەمالىسقا شىققان كەزدەرٸندە وسى دٸني ساۋات اشۋ كۋرستارىنا قاتىسىپ, ٶزدەرٸنٸڭ دٸني ساۋاتتىلىعىن كٶتەرۋٸنە بولادى. مەشٸتتەر جانىنان ۇيىمداستىرىلعان مۇنداي ساۋات اشۋ كۋرستارىندا جاس جەتكٸنشەكتەر قۇران ەلٸپپەسٸ مەن اتا-انانى سىيلاۋ, ەلدٸ قادٸرلەۋ, ٸزەت, ەدەپ, قامقورلىق سىندى ادامزاتقا تەن قۇندىلىقتار جايىندا قىزىقتى دەرٸستەر تىڭدايدى. ەگەر وسى جازعى مەكتەپتەردە دٸني ساۋاتتىلىعىن جەتٸلدٸرگەن جاستار ودان ەرٸ دٸندٸ كەسٸبي تٷردە مەڭگەرۋگە اڭسارى اۋسا 9-11 سىنىپتان كەيٸن مەدرەسەلەرگە تٷسٸپ, دٸني ساۋاتتىلىعىن ارتتىرۋىنا بولادى, – دەيدٸ بەردٸمۇرات قاسىموۆ مىرزا.
مٸنە, اعايىن, تەولوگ ماماننىڭ ٶزٸ دە دٸني ساۋاتتىلىعىن ارتتىرۋعا اڭسارى اۋعان ازاماتتارعا مەشٸتتەر جانىنداعى جازعى مەكتەپتەردە تانىم-تٷسٸنٸگٸن كٶتەرۋدٸ ۇسىنىپ وتىر. ەگەر دٸني ساۋاتتىلىعىڭىزدى كٶتەرگٸڭٸز كەلسە, مەشٸتتەر جانىنداعى جازىعى مەكتەپتەرگە جازىلىپ, دٸني ساۋاتتىلىقتى كٶتەرگەن دۇرىس. قازٸرگٸدەي زاماندا ەربٸر ازاماتتىڭ دٸني ساۋاتتى بولۋى قوعام ٷشٸن ماڭىزدى. دٸني ساۋاتتىلىعىن كٶتەرگەن ادام دٸن مامانى بولىپ كەتپەيدٸ. دٸني ساۋاتتىلىق دەسترۋكتيۆتٸ اعىمدارعا قارسى يممۋنيتەتتٸ قالىپتاستىراتىنىن ۇمىتپايىق.
انار سابىروۆا
