ايتىس ٶنەرٸنٸڭ ايبارى, ۇلتتىق رۋحانيياتتىڭ جاناشىرى, كٶرنەكتٸ قالامگەر ەرٸ قوعام قايراتكەرٸ جٷرسٸن ەرمان مەملەكەت باسشىسى قاسىم-جومارت توقاەۆ قول قويعان جارلىققا سەيكەس «قازاقستاننىڭ حالىق جازۋشىسى» قۇرمەتتٸ اتاعىنا يە بولدى, دەپ حابارلايدى Dalanews.kz
جوعارى ماراپات اقىننىڭ ۇلتتىق ەدەبيەت پەن ايتىس ٶنەرٸن دامىتۋعا, قازاق رۋحانيياتىنىڭ كٶكجيەگٸن كەڭەيتۋگە سٸڭٸرگەن ەرەن ەڭبەگٸ ٷشٸن تابىستالدى. قاسيەتتٸ ٶنەردٸڭ قادٸرٸن ارتتىرىپ, ايتىستى جاڭا دەڭگەيگە كٶتەرگەن جٷرسٸن ەرماننىڭ شىعارماشىلىق جولى – تۇتاس بٸر دەۋٸردٸڭ شەجٸرەسٸ.
قۇرمەتتٸ اتاق اقىننىڭ 75 جاسقا تولعان مەرەيتويىنا وراي ۇيىمداستىرىلعان سالتاناتتى جيىندا ارنايى تاپسىرىلدى. مەملەكەتتٸك ماراپاتتى الماتى قالاسىنىڭ ەكٸمٸ دارحان ساتىبالدى اقىنعا ەرەكشە ٸلتيپاتپەن تابىس ەتٸپ, ونىڭ ۇلت رۋحانيياتىنا قوسقان ٶلشەۋسٸز ٷلەسٸن اتاپ ٶتتٸ. بۇل – قالامگەرگە كٶرسەتٸلگەن قۇرمەتتٸڭ ايقىن كٶرٸنٸسٸ.
مەرەيتوي كەشٸندە تاعى بٸر ەسەرلٸ سەت ورىن الدى. ۇستازىنىڭ ٶنەگەسٸن كٶرٸپ ٶسكەن شەكٸرتتەرٸ جٷرسٸن ەرمانعا زور العىستىڭ بەلگٸسٸ رەتٸندە اۆتوكٶلٸك سىيلادى. بۇل – ايتىس مەكتەبٸن قالىپتاستىرىپ, تالاي جاس اقىننىڭ تۇساۋىن كەسكەن ۇستازعا دەگەن شىنايى قۇرمەت پەن ىقىلاستىڭ بەلگٸسٸ.
ايتا كەتەيٸك, بۇعان دەيٸن جٷرسٸن ەرمان «قازاقستاننىڭ ەڭبەك سٸڭٸرگەن قايراتكەرٸ» اتاعىنا يە بولىپ, قازاقستان جازۋشىلار وداعى تاعايىندايتىن مۇقاعالي ماقاتاەۆ اتىنداعى سىيلىقپەن ەكٸ مەرتە ماراپاتتالعان.
جٷرسٸن ەرمان – ايتىس ٶنەرٸنٸڭ قايتا جاڭعىرۋىنا ٶلشەۋسٸز ٷلەس قوسقان تۇلعا. ونىڭ ۇيىمداستىرۋشىلىق ەڭبەگٸ مەن شىعارماشىلىق قۋاتى قازاق مەدەنيەتٸنٸڭ التىن قورىندا مەڭگٸ ساقتالارى سٶزسٸز.
