الماتىدا وتباسىلىق قۇندىلىقتاردى دەرٸپتەپ, ٶنەگەلٸ شاڭىراقتاردى كٶپشٸلٸككە ٷلگٸ ەتۋگە باعىتتالعان «مەرەيلٸ وتباسى» بايقاۋىنىڭ قالالىق كەزەڭٸ اياقتالدى. بيىل الماتى قالاسى اتالعان ۇلتتىق كونكۋرسقا 12-رەت قاتىسىپ وتىر, دەپ حابارلايدى dalanews.kz.
جەڭٸمپازداردى ماراپاتتاۋ سالتاناتىنا قالانىڭ سەگٸز اۋدانىندا ٶتكەن ٸرٸكتەۋ كەزەڭدەرٸنٸڭ جەڭٸمپازدارى قاتىسىپ, ەستەلٸك جەنە اقشالاي سىيلىقتارمەن ماراپاتتالدى. الماتى قالاسىنىڭ جەڭٸمپازى بيليال وتباسى بولدى. ەندٸ ولار استانا قالاسىندا ٶتەتٸن رەسپۋبليكالىق بايقاۋدىڭ جەڭٸمپازدارىن ماراپاتتاۋ رەسٸمٸنە قاتىسادى.
بيىلعى بايقاۋدا ەدٸل قازىلار قۇرامىندا بولعان الماتى قالالىق قوعامدىق كەڭەسٸنٸڭ مٷشەسٸ مارات قاليمولدين ٸرٸكتەۋ اسا جوعارى دەڭگەيدە ٶتكەنٸن ايتتى:
– جالپى 262 ٶتٸنٸم تٷستٸ. اۋدانداردا بٸرٸنشٸ كەزەڭ ٶتٸپ, قالالىق كەزەڭگە ەر اۋداننان ەكٸ وتباسى قاتىستى. «مەرەيلٸ وتباسى» – ەلٸمٸزدەگٸ اسا ماڭىزدى, قوعام ٷشٸن كٶكەيكەستٸ مەسەلەلەردٸڭ بٸرٸن كٶتەرەتٸن ەرەكشە بايقاۋ. وتباسىلىق قۇندىلىقتاردى ساقتاۋ مەن دەرٸپتەۋدە مۇنداي شارالاردىڭ ورنى بٶلەك. تەلٸمٸ مەن تەربيەسٸ مول, ٶنەگەلٸ وتباسىلاردىڭ جەڭٸسكە جەتٸپ, حالىققا ٷلگٸ بولۋى – بايقاۋدىڭ باستى ماڭىزى, – دەدٸ ول.
«مەرەيلٸ وتباسى» بايقاۋىنىڭ مۇنداي يگٸ باستامالارى بەرەكەلٸ شاڭىراقتاردىڭ ٶنەگەسٸن ناسيحاتتاپ قانا قويماي, جاس ۇرپاققا وتباسىنىڭ قادٸرٸن ۇعىندىرۋعا جەنە قوعامداعى وتباسىلىق قۇندىلىقتاردى ودان ەرٸ نىعايتۋعا ىقپال ەتەدٸ.
