الەمگە ايگىلى Men’s Health جۋرنالىنىڭ قىتايشا نۇسقاسىنىڭ العاشقى بەتىنە ديماش قۇدايبەرگەننىڭ سۋرەتى جاريالاندى. ءالى جارىق كورىپ ۇلگەرمەگەن جۋرنالدىڭ ناۋرىز ايىنداعى ءنومىرىنىڭ كەيبىر پاراقشالارى قىتايداعى الەۋمەتتىك جەلىلەردە تاراپ ۇلگەرگەن.
ديماش قۇدايبەرگەننىڭ سۋرەتىمەن تارايتىن جۋرنال بەتىندە "مەن ءازىردىڭ وزىندە جەڭىمپازبىن" دەگەن تاقىرىپ تۇر.
راسىندا، ديماش الدىنداعى سۇقباتتارىندا وسىلاي ءمالىم ەتكەن. الايدا ول تەلەبايقاۋعا قاتىسىپ جاتقانداردى جەڭدىم، مەن مىقتىمىن دەگەن مەنمەندىكتى بىلدىرمەيتىنىن باسا ايتا كەتەلىك. ديماش ءوزىنىڭ قىتايعا كەلىپ، بىردەن وسىنشا جانكۇيەردىڭ سۇيىسپەنشىلىگىنە بولەنگەنىنىڭ ءوزىنىڭ جەڭىسى دەپ سانايدى، وسىنىڭ ءوزىن قاناعات تۇتادى. قىتايداعى سۇقباتتارىندا ول مۇنى ۇنەمى ايتىپ ءجۇر.
ال جۋرنال ىشىندەگى سۋرەتتە ديماش قىتايدىڭ قىمبات كولىگى جانىندا تۇر.
ناۋرىزعا ارنالعان جۋرنالدىڭ ءنومىرى تاياۋ كۇندەرى ساتىلىمعا شىعادى.
ايتا كەتەلىك، بۇعان دەيىن دە ديماشتىڭ سۋرەتى قىتايدىڭ باسقا جۋرنالدارىنىڭ بەتىنە شىققان. ماسەلەن، سونىڭ ءبىرى — Southern Metropolis Daily.
نەگىزىنەن، جۋرنالدىڭ باسقى بەتىنە وتە بەدەلدى تۇلعالاردىڭ سۋرەتى باسىلىپ شىعادى ءارى ول اقىلى. ماسەلەن، قازاقستاندىق جۋرنالداردا بۇل قۇن 3000 مىڭ دوللاردان باستالادى. ال الەمگە ايگىلى جۋرنالداردا بۇل سومانىڭ قانشا ەكەنىنىن ەندى ويشا پايىمداي بەرىڭىز…
