Álemge áigili Men’s Health jýrnalynyń qytaisha nusqasynyń alǵashqy betine Dimash Qudaibergenniń sýreti jariialandy. Áli jaryq kórip úlgermegen jýrnaldyń naýryz aiyndaǵy nómiriniń keibir paraqshalary Qytaidaǵy áleýmettik jelilerde tarap úlgergen.
Dimash Qudaibergenniń sýretimen taraityn jýrnal betinde "Men ázirdiń ózinde jeńimpazbyn" degen taqyryp tur.
Rasynda, Dimash aldyndaǵy suqbattarynda osylai málim etken. Alaida ol telebaiqaýǵa qatysyp jatqandardy jeńdim, men myqtymyn degen menmendikti bildirmeitinin basa aita ketelik. Dimash óziniń Qytaiǵa kelip, birden osynsha jankúierdiń súiispenshiligine bólengeniniń óziniń jeńisi dep sanaidy, osynyń ózin qanaǵat tutady. Qytaidaǵy suqbattarynda ol muny únemi aityp júr.
Al jýrnal ishindegi sýrette Dimash Qytaidyń qymbat kóligi janynda tur.
Naýryzǵa arnalǵan jýrnaldyń nómiri taiaý kúnderi satylymǵa shyǵady.
Aita ketelik, buǵan deiin de Dimashtyń sýreti Qytaidyń basqa jýrnaldarynyń betine shyqqan. Máselen, sonyń biri — Southern Metropolis Daily.
Negizinen, jýrnaldyń basqy betine óte bedeldi tulǵalardyń sýreti basylyp shyǵady ári ol aqyly. Máselen, qazaqstandyq jýrnaldarda bul qun 3000 myń dollardan bastalady. Al álemge áigili jýrnaldarda bul somanyń qansha ekeninin endi oisha paiymdai berińiz…
