"Qazaq: history of the golden man" دەرەكتى ءفيلمى كەزىندە رەجيسسەر وليۆەر ستوۋن داريعا نازاربايەۆادان قازاق دالاسىندا پارانجى كيۋ ءداستۇرى بولعان با دەپ سۇرادى.
"ءبىزدىڭ داستۇرىمىزدە مۇنداي ەشقاشان بولعان ەمەس، قازاق ايەلى ءارقاشان قوعامداعى ەرەكشە، قۇرمەتتى جانە ءقادىرلى ورىندى يەلەنگەن – ايەل ءۇيدىڭ قازىعى، وشاقتىڭ يەسى. مەن مۇنى ءتىپتى ءوز وتباسىمنان بىلەمىن"، - دەپ جاۋاپ بەردى ماجىلىسمەن.
سونىمەن قاتار ەلباسىنىڭ ۇلكەن قىزى وتباسىندا اكەسى نۇرسۇلتان نازاربايەۆقا دەگەن قۇرمەتتىڭ ەرەكشە بولعانىن اتاپ ءوتتى. بالالار ونى جوعارى لاۋازىمدى ادام رەتىندە ەمەس، اكە رەتىندە باعالاپ، قۇرمەتتەگەن.
"مەن پرەزيدەنتتىڭ وتباسىندا وسپەدىم، ول ەشقاشان ءوزىنىڭ جۇمىسىنا قاتىستى ماسەلەنى ايتپايتىن، ۇيدە ءبىز ونىڭ كارەراسىن جانە قانداي لاۋازىم اتقارىپ جۇرگەنىن تالقىلامايتىن ەدىك. ءبىزدىڭ انامىز وعان زور قۇرمەتپەن قارادى. ول كەشكە شارشاپ كەلگەن كەزدە، ءبارىمىز ونى قارسى الۋعا جۇگىرەتىنبىز، تاپىشكەسىن بەرىپ، كيىمىن شەشۋگە كومەكتەسەتىن ەدىك"، - دەپ ەسكە الدى داريعا نازاربايەۆا.
ءدال وسى وليۆەر ستوۋنعا سۇحباتىندا ەكس-پرەزيدەنت ەكس-كۇيەۋبالاسىنىڭ تاعدىرىنا توقتالىپ، ۇلكەن قىزىنىڭ بۇل تاقىرىپتى تالقىلاعىسى كەلمەيتىنىن ايتقان.
https://dalanews.kz/del-qazir/64434-qyzym-aldyma-zhylap-keldi-nazarbaev-ye؟fbclid=IwAR3wixS4Zj8XYl1KRfmOo1krwgEtOoebEztKQshgBvcMs8ZavCbYVhkHH-c
