"Qazaq: history of the golden man" derekti fılmi kezinde rejıser Olıver Stoýn Darıǵa Nazarbaevadan qazaq dalasynda paranjy kıý dástúri bolǵan ba dep surady.
"Bizdiń dástúrimizde mundaı eshqashan bolǵan emes, qazaq áıeli árqashan qoǵamdaǵy erekshe, qurmetti jáne qadirli oryndy ıelengen – áıel úıdiń qazyǵy, oshaqtyń ıesi. Men muny tipti óz otbasymnan bilemin", - dep jaýap berdi májilismen.
Sonymen qatar Elbasynyń úlken qyzy otbasynda ákesi Nursultan Nazarbaevqa degen qurmettiń erekshe bolǵanyn atap ótti. Balalar ony joǵary laýazymdy adam retinde emes, áke retinde baǵalap, qurmettegen.
"Men prezıdenttiń otbasynda óspedim, ol eshqashan óziniń jumysyna qatysty máseleni aıtpaıtyn, úıde biz onyń karerasyn jáne qandaı laýazym atqaryp júrgenin talqylamaıtyn edik. Bizdiń anamyz oǵan zor qurmetpen qarady. Ol keshke sharshap kelgen kezde, bárimiz ony qarsy alýǵa júgiretinbiz, tápishkesin berip, kıimin sheshýge kómektesetin edik", - dep eske aldy Darıǵa Nazarbaeva.
Dál osy Olıver Stoýnǵa suhbatynda eks-prezıdent eks-kúıeýbalasynyń taǵdyryna toqtalyp, úlken qyzynyń bul taqyrypty talqylaǵysy kelmeıtinin aıtqan.
https://dalanews.kz/del-qazir/64434-qyzym-aldyma-zhylap-keldi-nazarbaev-ye?fbclid=IwAR3wixS4Zj8XYl1KRfmOo1krwgEtOoebEztKQshgBvcMs8ZavCbYVhkHH-c
