جۇزدەسۋدىڭ قىسقارتىلعان ۆيدەو نۇسقاسى كرەملدەگى جۋرناليستەر پۋلىنا قاراستى Telegram-ارنادا جاريالاندى.
– ءسىزدىڭ ساپارىڭىزدى ۇزاق كۇتتىك. بۇدان ءبىراز ۋاقىت ارنايىلاپ شاقىرعان ەدىم، – دەدى رەسەي پرەزيدەنتى ەلباسىعا قاراتا.
– جىل وتكەن سايىن شيراپ، بەلسەندىلىكتى ارتتىرىپ كەلەسىز. اۋەل باستا سوچيدە جۇزدەسۋدى جوسپارلاعان ەدىك. الايدا ول جاقتا بىرەسە قىرعىز، ەندى بىردە تاجىك، تاعى بىردە بەلارۋس باسشىسى جۇرەدى. ويلانا كەلە، كەزەككە تۇرىپ قايتەمىن شەشتىم.
ءقازىر قولىم بوس، ەركىن اداممىن. پرەزيدەنتتىك ورىنتاقتى بوساتىپ بەرگەنىمە ءۇش جىل تولدى. الايدا سىزبەن جۇزدەسپەي، سويلەسپەي تۇرا المايمىن...."، – دەپ جاۋاپ قاتتى نازاربايەۆ.
...
كەزدەسۋدە مەملەكەتارالىق قارىم-قاتىناستىڭ بۇگىنى مەن بولاشاعى جايىندا ءسوز قوزعالدى.
"قازاقستان مەن رەسەيدىڭ دوستىق بايلانىسى حالىقارالىق قاتىناستا وزگەلەرگە ۇلگى بولارلىقتاي. رەسەيمەن ارىپتەستىكتە ءاردايىم تۇراقتىلىق ساقتاۋ قاجەت. مەن وسى ۇستانىمدى ۇستانامىن، – دەدى تۇڭعىش پرەزيدەنت.
نازاربايەۆ رەسەي پرەزيدەنتىنە ىندەت تۇسىندا قازاقستانعا قولداۋ كورسەتكەنى ءۇشىن ريزاشىلىعىن ءبىلدىرىپ، رەسەيلىك ۆاكسينانى ءوندىرىپ جاتقان قاراعاندىداعى فارماسيەۆتيكالىق زاۋىتتىڭ جۇمىسىنا جەكە توقتالدى.
بۇدان بولەك رەسەيلىك دارىگەرلەردىڭ كومەگىمەن كوۆيدتەن ساۋىعىپ شىققانىن تىلگە تيەك ەتتى.
"ولار 10 كۇنى بويى جانىمنان شىقپاي، جاعدايىمدى باقىلاپ، قاجەتتى ەم-دوم جاسادى. كۇنى-تۇنى توسەگىمدى كۇزەتتى، كوز ىلگەن جوق. سونىڭ ارقاسىندا تەزدەتىپ اياقتان تۇرىپ كەتتىم، مۇنداي دۇنيە ۇمىتىلمايدى"، – دەدى ەلباسى.
تاراپتاردىڭ ەكونوميكالىق بايلانىستارى ءوز ارناسىن تاپقانىن اتاپ وتكەن پۋتين وسى باعىتتاعى ستراتەگيالىق جوبالاردى كوبەيتە ءتۇسۋ كەرەكتىگىن ايتتى.
"پاندەميا كەزىندە تاۋار اينالىمى 4-5 پايىز تومەندەپ كەتكەنىنە قاراماستان، بيىلعى جىلدىڭ العاشقى شيرەگىندە ەكى ەل اراسىنداعى الىس-بەرىس 20 پايىزعا ارتتى. بۇل كوڭىل تولارلىق كورسەتكىش، باسقا دا سالالار بويىنشا قارقىندى ءوسۋ بار، وسى بەلسەندىلىكتى جوعالتپاسىمىزعا سەنىمدىمىن"، – دەدى رەسەي پرەزيدەنتى.
https://youtu.be/kql5wE9AN2Q
ايتا كەتەلىك، بۇعان دەيىن مەملەكەت باسشىسى قاسىم-جومارت توقايەۆ قازاقستانعا رەسمي ساپارمەن كەلگەن رەسەيدىڭ فەدەرالدىق جينالىسى فەدەراسيا كەڭەسىنىڭ ءتوراعاسى ۆالەنتينا ماتۆيەنكومەن كەزدەسۋ وتكىزگەن.
"كەزدەسۋ بارىسىندا قازاقستان مەن رەسەي اراسىنداعى كوپجاقتى ستراتەگيالىق سەرىكتەستىك پەن وداقتاستىقتى نىعايتۋدىڭ، پەرسپەكتيۆالارى تالقىلاندى.
سونىمەن قاتار ساۋدا-ەكونوميكالىق، مادەني-گۋمانيتارلىق ىنتىماقتاستىققا، ەۋرازيالىق ينتەگراسياعا جانە ەكى ەلدىڭ كوروناۆيرۋس پاندەمياسىنا قارسى كۇر
ەستەگى بىرلەسكەن كۇش-جىگەرىنە قاتىستى وزەكتى ماسەلەلەر ءسوز بولدى"، دەلىنگەن اقوردا حابارلاماسىندا.
اڭگىمەلەسۋ بارىسىندا قاسىم-جومارت توقايەۆ رەسەيدىڭ حالىقارالىق ارەناداعى ورنىن نىعايتۋ ىسىندەگى ۆلاديمير ءپۋتيننىڭ ساياسي باعىتىنىڭ ماڭىزدى ءرولىن اتاپ وتكەن.
– ۆلاديمير ءپۋتيننىڭ مىقتى ءارى بەدەلدى باسشىلىعىمەن رەسەي فەدەراسياسى حالىقارالىق ارەنادا ءوزىن الەم ەلدەرى ساناساتىن جانە ونسىز بىردە-بىر ماڭىزدى حالىقارالىق پروبلەما شەشىلمەيتىن مەملەكەت رەتىندە تانىتتى، – دەگەن بولاتىن قاسىم-جومارت توقايەۆ.
