Júzdesýdiń qysqartylǵan video nusqasy Kremldegi jýrnalister pýlyna qarasty Telegram-arnada jariialandy.
– Sizdiń saparyńyzdy uzaq kúttik. Budan biraz ýaqyt arnaiylap shaqyrǵan edim, – dedi Resei prezidenti Elbasyǵa qarata.
– Jyl ótken saiyn shirap, belsendilikti arttyryp kelesiz. Áýel basta Sochide júzdesýdi josparlaǵan edik. Alaida ol jaqta birese qyrǵyz, endi birde tájik, taǵy birde belarýs basshysy júredi. Oilana kele, kezekke turyp qaitemin sheshtim.
Qazir qolym bos, erkin adammyn. Prezidenttik oryntaqty bosatyp bergenime úsh jyl toldy. Alaida sizben júzdespei, sóilespei tura almaimyn....", – dep jaýap qatty Nazarbaev.
...
Kezdesýde memleketaralyq qarym-qatynastyń búgini men bolashaǵy jaiynda sóz qozǵaldy.
"Qazaqstan men Reseidiń dostyq bailanysy halyqaralyq qatynasta ózgelerge úlgi bolarlyqtai. Reseimen áriptestikte árdaiym turaqtylyq saqtaý qajet. Men osy ustanymdy ustanamyn, – dedi Tuńǵysh prezident.
Nazarbaev Resei prezidentine indet tusynda Qazaqstanǵa qoldaý kórsetkeni úshin rizashylyǵyn bildirip, reseilik vaktsinany óndirip jatqan Qaraǵandydaǵy farmatsevtikalyq zaýyttyń jumysyna jeke toqtaldy.
Budan bólek reseilik dárigerlerdiń kómegimen kovidten saýyǵyp shyqqanyn tilge tiek etti.
"Olar 10 kúni boiy janymnan shyqpai, jaǵdaiymdy baqylap, qajetti em-dom jasady. Kúni-túni tósegimdi kúzetti, kóz ilgen joq. Sonyń arqasynda tezdetip aiaqtan turyp kettim, mundai dúnie umytylmaidy", – dedi Elbasy.
Taraptardyń ekonomikalyq bailanystary óz arnasyn tapqanyn atap ótken Pýtin osy baǵyttaǵy strategiialyq jobalardy kóbeite túsý kerektigin aitty.
"Pandemiia kezinde taýar ainalymy 4-5 paiyz tómendep ketkenine qaramastan, biylǵy jyldyń alǵashqy shireginde eki el arasyndaǵy alys-beris 20 paiyzǵa artty. Bul kóńil tolarlyq kórsetkish, basqa da salalar boiynsha qarqyndy ósý bar, osy belsendilikti joǵaltpasymyzǵa senimdimin", – dedi Resei prezidenti.
https://youtu.be/kql5wE9AN2Q
Aita ketelik, buǵan deiin Memleket basshysy Qasym-Jomart Toqaev Qazaqstanǵa resmi saparmen kelgen Reseidiń Federaldyq jinalysy Federatsiia keńesiniń tóraǵasy Valentina Matvienkomen kezdesý ótkizgen.
"Kezdesý barysynda Qazaqstan men Resei arasyndaǵy kópjaqty strategiialyq seriktestik pen odaqtastyqty nyǵaitýdyń, perspektivalary talqylandy.
Sonymen qatar saýda-ekonomikalyq, mádeni-gýmanitarlyq yntymaqtastyqqa, eýraziialyq integratsiiaǵa jáne eki eldiń koronavirýs pandemiiasyna qarsy kúr
Áńgimelesý barysynda Qasym-Jomart Toqaev Reseidiń halyqaralyq arenadaǵy ornyn nyǵaitý isindegi Vladimir Pýtinniń saiasi baǵytynyń mańyzdy rólin atap ótken.
– Vladimir Pýtinniń myqty ári bedeldi basshylyǵymen Resei Federatsiiasy halyqaralyq arenada ózin álem elderi sanasatyn jáne onsyz birde-bir mańyzdy halyqaralyq problema sheshilmeitin memleket retinde tanytty, – degen bolatyn Qasym-Jomart Toqaev.
