جەتٸسۋدىڭ جەتەكشٸ پانفيلوۆ اۋدانىنىڭ ەلەۋمەتتٸك-ەكونوميكالىق ەلەۋەتٸ جوعارى. ينۆەستيتسييا, ٶندٸرٸس, اۋىل شارۋاشىلىعى, ينفراقۇرىلىم سالاسىندا ٷزدٸكتەر قاتارىندا, دەپ حابارلايدى Dalanews.kz.
اۋداننىڭ تاعى بٸر ەلەۋەتتٸ باعىتى – باۋ-باقشا شارۋاشىلىعى. وبلىستاعى باق القاپتارىنىڭ 44%-دان استامى, 2,3 مىڭ گa جەر پانفيلوۆ اۋدانىندا ورنالاسقان. مۇندا جالپى سىيىمدىلىعى 8,5 مىڭ توننا بولاتىن 8 جەمٸس ساقتاۋ قويماسى بار. سونىمەن قاتار اۋماعى 1 گەكتاردى قامتيتىن «قازگەوتەرم» جىلىجاي كەشەنٸ جۇمىس ٸستەيدٸ. جىل باسىنان بەرٸ اۋداننىڭ اگروٶنەركەسٸپ كەشەنٸنە 1,9 ملرد تەڭگە ينۆەستيتسييا تارتىلىپ, كٶرسەتكٸش 1,7 ەسەگە ارتتى. دەگەنمەن وبلىس ەكٸمٸ ٶندٸرٸلگەن ٶنٸمدٸ قايتا ٶڭدەۋ ٷلەسٸن ارتتىرۋ قاجەتتٸگٸن اتاپ ٶتٸپ, تاۋارلى سٷت, ەت, قۇس فەرمالارىن سالۋ, اۋىل شارۋاشىلىعى ٶنٸمدەرٸن ٶڭدەيتٸن كەسٸپورىندار اشۋ جٶنٸندە ناقتى تاپسىرمالار جٷكتەدٸ. وعان قوسا «جاركەنت فرۋكت» جشس قىزمەتكەرلەرٸنٸڭ ەڭبەكاقى مەسەلەسٸن جاقىن مەرزٸمدە شەشۋ مٸندەتتەلدٸ.
مەملەكەت تاراپىنان كٶرسەتٸلٸپ وتىرعان قولداۋدىڭ نەتيجەسٸندە اۋدانديقاندارى «قازاگروقارجى» اق ارقىلى 512 ملن تەڭگەگە 28 بٸرلٸك اۋىل شارۋاشىلىعى تەحنيكاسىن ساتىپ الدى. «كەڭ دالا–2» باعدارلاماسى اياسىندا 31 شارۋاشىلىققا 394 ملن تەڭگە كٶلەمٸندە جەڭٸلدەتٸلگەن نەسيە بەرٸلدٸ.
«پانفيلوۆ اۋدانىندا گازداندىرۋعا جاتاتىن 26 ەلدٸ مەكەن بار. بٷگٸندە جاركەنت قالاسى تولىق تابيعي گازعا قوسىلعان. قالعان 25 ەلدٸ مەكەنگە قاتىستى جۇمىستار جالعاسىپ جاتىر, ولاردىڭ 12-سٸندە قۇرىلىس اياقتالعان. اۆات, اقكەنت, نەدەك اۋىلدارىنا كٶگٸلدٸر وتىن جەتكٸزٸلدٸ. جىل سوڭىنا دەيٸن اۋدان ەلدٸ مەكەندەرٸنٸڭ تەڭ جارتىسى گاز يگٸلٸگٸن كٶرەدٸ. قالعان 13 اۋىلدا اۋىلٸشٸلٸك گاز تاراتۋ جەلٸلەرٸ جٷرگٸزٸلەدٸ. نەتيجەسٸندە, بيىل اۋدان حالقىنىڭ 85%-ى تابيعي گازعا قول جەتكٸزەدٸ», – دەيدٸ اۋدان باسشىسى.
كەيٸنگٸ جىلدارى پانفيلوۆ اۋدانىندا ەلەۋمەتتٸك ينفراقۇرىلىمدى دامىتۋعا ايرىقشا كٶڭٸل بٶلٸنٸپ وتىر. دەنساۋلىق ساقتاۋ سالاسىندا ەكٸ جىل ٸشٸندە 18 نىسان بوي كٶتەرٸپ, 3 مەكەمە كٷردەلٸ جٶندەۋدەن ٶتتٸ. الىس اۋىلدارعا كەلگەن 17 جاس دەرٸگەرگە 135 ملن تەڭگە كٶلەمٸندە كٶتەرمە جەردەماقى بەرٸلدٸ. اۋداننىڭ تٷرلٸ ەلدٸ مەكەندەرٸندە دەرٸگەرلٸك امبۋلاتورييالار, فەلدشەرلٸك-اكۋشەرلٸك, مەديتسينالىق پۋنكتتەر سالىندى. سونىمەن قاتار اۋداندىق اۋرۋحانانىڭ كٷندٸزگٸ ستاتسيونارى جٶندەلٸپ, نەگٸزگٸ عيماراتتى قالپىنا كەلتٸرۋ مەن جاڭا بلوك سالۋ جۇمىستارى باستالدى. بۇل نىساندار بيىل پايدالانۋعا بەرٸلەدٸ.
«ماتەريالدىق-تەحنيكالىق بازانى نىعايتۋ ماقساتىندا 2024–2025 جىلدارى اۋداندىق اۋرۋحانا مەن بٸرقاتار اۋىلعا 6 سانيتارلىق اۆتوكٶلٸك بەرٸلٸپ, 13 زاماناۋي مەديتسينالىق قۇرال جەتكٸزٸلدٸ. بٸلٸم سالاسىندا دا وڭ ٶزگەرٸستەر بار. جاركەنت قالاسىندا 1 200 ورىندىق جاڭا مەكتەپ سالىندى, تالدى اۋىلىندا 300 ورىندىق مەكتەپ پايدالانۋعا بەرٸلدٸ. قازٸردە سۇپتاي اۋىلىندا 120 ورىندىق مەكتەپتٸڭ قۇرىلىسى جٷرٸپ جاتىر. مەدەنيەت, سپورت سالاسىندا دا جاڭا نىساندار ەل يگٸلٸگٸنە بەرٸلدٸ. تۇرپان اۋىلىنداعى مەدەنيەت ٷيٸ جٶندەلٸپ, ٷشارال, كٶكتال اۋىلدارىندا زاماناۋي سپورت كەشەندەرٸ اشىلدى», دەيدٸ اۋدان ەكٸمٸ.
ٶتكەن جىلدىڭ قورىتىندىسى بويىنشا پانفيلوۆ اۋدانى وبلىستاعى ەڭ ٷزدٸك اۋدان اتاندى. بۇل مەجەگە قاراتال اۋدانى دا جاقىن تۇر. قوس اۋداننىڭ ەكونوميكاسى ەرتاراپتانىپ, شاعىن جەنە ورتا بيزنەس دامىپ كەلەدٸ.
