– جاڭا كودەكس اكىمشىلىك راسىمدەردى، مەملەكەتتىك ورگانداردىڭ ىشكى اكىمشىلىك راسىمدەرىن جۇزەگە اسىرۋ ءتارتىبىن، سونداي-اق جاريا قۇقىقتىق قاتىناستار سالاسىنداعى داۋلاردى شەشۋ ءتارتىبىن رەتتەيتىن ايتارلىقتاي بىرەگەي زاڭنامالىق اكتىنى بىلدىرەدى. بۇرىن قازاقستاندا مۇنداي كودەكس بولعان ەمەس، –دەيدى تۇلكىباس اۋداندىق سوتىنىڭ سۋدياسى بولات تۋراباي.
جالپى، قازىرگى تاڭدا ەلىمىزدە قىلمىستىق، ازاماتتىق، اكىمشىلىك قۇقىق بۇزۋشىلىق تۋرالى ىستەر قارالاتىن بولسا، بۇل جاڭاشىلدىق ارقىلى سوت ءىسىن جۇرگىزۋدىڭ ءتورتىنشى، جاڭا ينستيتۋتى – «اكىمشىلىك ءىس جۇرگىزۋ» دەگەن ۇعىم ەنگىزىلەدى.
قازىرگى تاڭدا وسى اكىمشىلىك-ادىلەت جۇيەسىنە دايىندىق بارىسى جۇرگىزىلىپ جاتىر. 500-گە جۋىق سۋديا وقىتىلۋدا، 21 اكىمشىلىك سوت قۇرىلادى، ول سوتتاردىڭ 17ء-سى ەلىمىزدىڭ ءىرى قالالارىندا، قالعان تورتەۋى قاسكەلەڭ، سەمەي، جەزقازعان جانە ەكىباستۇز قالالارىندا ورنالاسادى. ال، زاڭ نورمالارى حالىققا كەڭىنەن تۇسىندىرىلۋدە.
