Memlekettik organdardyń ishki ákimshilik rásimderin retteitin jańa kodeks kúshine enedi
– Jańa kodeks Ákimshilik rásimderdi, memlekettik organdardyń ishki ákimshilik rásimderin júzege asyrý tártibin, sondai-aq jariia quqyqtyq qatynastar salasyndaǵy daýlardy sheshý tártibin retteitin aitarlyqtai biregei zańnamalyq aktini bildiredi. Buryn Qazaqstanda mundai kodeks bolǵan emes, –deidi Túlkibas aýdandyq sotynyń sýdiasy Bolat Týrabai.
Jalpy, qazirgi tańda elimizde qylmystyq, azamattyq, ákimshilik quqyq buzýshylyq týraly ister qaralatyn bolsa, bul jańashyldyq arqyly sot isin júrgizýdiń tórtinshi, jańa institýty – «ákimshilik is júrgizý» degen uǵym engiziledi.
Qazirgi tańda osy ákimshilik-ádilet júiesine daiyndyq barysy júrgizilip jatyr. 500-ge jýyq sýdia oqytylýda, 21 ákimshilik sot qurylady, ol sottardyń 17-si elimizdiń iri qalalarynda, qalǵan tórteýi Qaskeleń, Semei, Jezqazǵan jáne Ekibastuz qalalarynda ornalasady. Al, Zań normalary halyqqa keńinen túsindirilýde.
