كەي كەزدە بٸز ماقتايتىن ەۋروپا ەلدەرٸنٸڭ ٶزٸ قازاق حالقى ۇقساپ كٶپكە قۇشاعىن جايا بەرمەيدٸ. بٸزدٸڭ جاناشىر, ادال جۇرت ەكەنٸمٸزدٸ وسىدان اڭعارسا بولادى.
بۇل تۇستا ەلٸمٸزدٸڭ ەر ازاماتى ۇستامدى, بايىپتى ھەم سالماقتى بولۋى قاجەت. مەملەكەتتٸك ۇيىمداردىڭ موينىندا دا جاۋاپكەرشٸلٸك بار. قوناقتاردى قاداعالاپ, قىراعىلىق كٶرسەتۋٸ كەرەك. رەسەيلٸكتەر قامقورلىق كٶرسەتەيٸك, ٶيتكەنٸ ولار ەلٸمٸزدە كٶپ جٷرمەيدٸ, ەرٸ كەتسە – 90 كٷن.
جاقسىلىق جاساۋ قازاقتىڭ قانىنا سٸڭٸپ كەتكەن. ەڭ باستىسى, ارانداتۋشىلار كەلٸپ ارامىزعا جٸك سالماسا بولعانى. ەرينە, ٶزگە جۇرتقا قولدان كەلگەنشە كٶمەكتٸ اياماۋ كەرەك, بٸراق جايىلىپ تٶسەك بولماۋىمىز تيٸس.
ەر ازامات ٶزٸنٸڭ مەملەكەت الدىنداعى جاۋاپكەرشٸلٸگٸن, قادٸرٸن ۇقسىن. سابىرلى ەرٸ اقىلدى بولساق, بٸز المايتىن اسۋ جوق. تىنىشتىق, بەيبٸتشٸلٸك, اۋىزبٸرشٸلٸك – حالىقتىڭ بار بايلىعى. وسى بايلىقتى ساقتاۋىمىز تيٸس.
مەملەكەت باسشىسى قاسىم-جومارت توقاەۆ ٶتە بٸلگٸر ساياساتكەر, ديپلومات مامان. ەلٸمٸز سونىڭ جەمٸسٸن كٶرۋدە. تاتۋ-تەتتٸ بولىپ, ەلٸمٸزدٸڭ باسشىسىن قولداي بٸلسەك, تۇراقتىلىقتى قامتاماسىز ەتە بٸلسەك, ەلدٸڭ جايىن بٸر ادامداي ويلاي بٸلسەك – سٶزسٸز ٶركەندەيمٸز.
سوندىقتان سٶزدٸ كٶبەيتٸپ, بٶسٸپ جٷرە بەرگەنشە ەلٸمٸزدٸڭ جارقىن كەلەشەگٸ ٷشٸن ەر ازامات تەر تٶكسٸن!
جولامان تۇرسىنباەۆ,
قازاقستاننىڭ ەڭبەك سٸڭٸرگەن قايراتكەرٸ, كومپوزيتور
