Kei kezde biz maqtaityn Eýropa elderiniń ózi qazaq halqy uqsap kópke qushaǵyn jaia bermeidi. Bizdiń janashyr, adal jurt ekenimizdi osydan ańǵarsa bolady.
Bul tusta elimizdiń ár azamaty ustamdy, baiypty hám salmaqty bolýy qajet. Memlekettik uiymdardyń moinynda da jaýapkershilik bar. Qonaqtardy qadaǵalap, qyraǵylyq kórsetýi kerek. Reseilikter qamqorlyq kórseteiik, óitkeni olar elimizde kóp júrmeidi, ári ketse – 90 kún.
Jaqsylyq jasaý qazaqtyń qanyna sińip ketken. Eń bastysy, arandatýshylar kelip aramyzǵa jik salmasa bolǵany. Árine, ózge jurtqa qoldan kelgenshe kómekti aiamaý kerek, biraq jaiylyp tósek bolmaýymyz tiis.
Ár azamat óziniń memleket aldyndaǵy jaýapkershiligin, qadirin uqsyn. Sabyrly ári aqyldy bolsaq, biz almaityn asý joq. Tynyshtyq, beibitshilik, aýyzbirshilik – halyqtyń bar bailyǵy. Osy bailyqty saqtaýymyz tiis.
Memleket basshysy Qasym-Jomart Toqaev óte bilgir saiasatker, diplomat maman. Elimiz sonyń jemisin kórýde. Tatý-tátti bolyp, elimizdiń basshysyn qoldai bilsek, turaqtylyqty qamtamasyz ete bilsek, eldiń jaiyn bir adamdai oilai bilsek – sózsiz órkendeimiz.
Sondyqtan sózdi kóbeitip, bósip júre bergenshe elimizdiń jarqyn keleshegi úshin ár azamat ter tóksin!
Jolaman Tursynbaev,
Qazaqstannyń eńbek sińirgen qairatkeri, kompozitor
