1 قازاندا قازاقستانداعى حالىقارالىق ۆاليۋتا قورى ميسسياسىنىڭ باسشىسى نيكوليا بلانشە نەگىزگى مەملەكەتتىك ورگاندارمەن، سونىڭ ىشىندە پارلامەنت، ۇلتتىق بانك، ۇلتتىق ەكونوميكا مينيسترلىگى، قارجى مينيسترلىگى جانە باسقا دا مۇددەلى تاراپتارمەن ءبىرقاتار كەزدەسۋ وتكىزدى. سونىڭ بىرىندە حۆق ميسسياسىنىڭ باسشىسى بانك قىزمەتىن رەتتەۋگە بايلانىستى پروبلەمالارعا كەڭىنەن توقتالدى، دەپ جازادى Dalanews.kz.
ول پروبلەمالىق بانكتەر ماسەلەسىن رەتتەۋگە باعىتتالعان قىمبات جوبالار جايىنان قانىق ەكەنىن، بۇل شارالار مەملەكەتتىك سەكتور مەن بيۋدجەتتىڭ قىرۋار قارجىسىن قاققانىن باسا اتاپ ءوتتى.
"الدىڭعى قاتارداعى وزىق تاجىريبەلەر بانكتەردى قۇتقارۋ ءۇشىن مەملەكەتتىك اقشانى مۇلدەم پايدالانباۋدى ۋاعىزدايدى. مۇنداعى جاعداي زاڭنامالارعا وزگەرىستەر ەنگىزۋدى جانە قنردا مەن ۇلتتىق بانكپەن تىعىز ىنتىماقتاستىقتى تالاپ ەتەتىنىن كورىپ وتىرمىز. قاتتى داعدارىستى جاعدايلاردا ۇكىمەت پروبلەمالى بانكتەردىڭ ماسەلەسىن كوپ نەمەسە از كولەمدە بولسىن، شەشۋگە ات سالىسۋى كەرەك بولادى. ءقازىر مۇنداي جۇمىستار جۇرگىزىلىپ جاتىر. بۇل باعىتتا ءبىزدىڭ قولداۋىمىزبەن قول جەتكىزىلگەن ءتيىستى پروگرەسس بار"، - دەيدى نيكوليا بلانشە.
جالپى، ەلىمىزدىڭ بانك سەكتورى ۇلكەن وزگەرىس الدىندا تۇر. پرەزيدەنتتىڭ تاپسىرماسى بويىنشا "بانكتەر تۋرالى" جاڭا زاڭ جوباسى ازىرلەنىپ جاتىر. سوعان قاراعاندا، مۇمكىن بلانشە اتاپ كورسەتكەندەي، ەندى مەملەكەت بانك سەكتورىن قۇتقارۋعا بۇرىنعىداي قىرۋار قارجى ءبولۋدى دوعارار!..
PS جۋىردا قارجى نارىعىن رەتتەۋ جانە دامىتۋ اگەنتتىگى ۇلتتىق بانكتىڭ قاۋلىسىمەن حالىقارالىق اگەنتتىكتەردىڭ كرەديتتىك رەيتينگتەر بولىگىندە شەتەلدىك ساتىپ الۋشىلار مەن قازاقستاندىق بانكتەردىڭ يەلەرىنە قويىلاتىن تالاپتاردى بەلگىلەيتىن انىقتامالاردى دايىندادى. قۇجات اشىق نورماتيۆتىك-قۇقىقتىق اكتىلەر پورتالىنا قوعامدىق تالقى ءۇشىن 14 قازانعا دەيىن ورنالاستىرىلدى. وندا شەتەلدىك ينۆەستورلاردىڭ قازاقستاندىق بانكتەردى ساتىپ الۋى ءۇشىن جاعدايلاردى جەڭىلدەتۋ شارالارى قاراستىرىلعان. ماماندار بۇل وزگەرىستەردى تاعدىرى الدىڭعى اپتادا شەشىلىپ قالۋى ءتيىس Bereke Bankء-تى كاتارلىق Lesha بانكتىڭ ساتىپ الۋىمەن بايلانىستىرادى.
