الماتى وبلىسىندا جەر پايدالانۋشىلار جەر ۋچاستكىلەرىنىڭ ماقساتىن وزگەرتكەنى ءۇشىن 1،5 ملرد تەڭگە تولەمەگەن، - دەپ حابارلايدى Dalanews.kz. 

زاڭ بويىنشا، مۇنداي ارەكەتتەردى جاساعان كەزدە جەر ۋچاسكەسىنىڭ يەسى جەر ۋچاسكەسىنىڭ كاداسترلىق قۇنىن تولەۋگە مىندەتتى. وبلىس بويىنشا وسىنداي 100-دەن استام جەر يەلەرى انىقتالدى.

وبلىس پروكۋراتۋراسى قابىلداعان شارالار بويىنشا بۇگىنگى كۇنى بيۋدجەتكە 236 ملن. تەڭگە قايتارىلدى، قالعان سوما ءوندىرىلىپ جاتىر.

سونىمەن قاتار، وبلىس پروكۋراتۋراسىنىڭ قاداعالاۋ اكتىسى بويىنشا 2024 جىلى 2،5 ملرد. تەڭگە تۇراتىن، اۋماعى 12،5 مىڭ گا پايدالانىلماعان جەر 155 ۋچاسكەلەرى قايتارىلدى.

مىسالى، 2020 جىلى قونايەۆ قالاسىندا ءبىر كاسىپورىنعا گيدروەلەكتروستانسيا سالۋ ءۇشىن اۋماعى 500 گا 5 جەر ۋچاسكەسى بەرىلدى. الايدا قۇرىلىس وسى كۇنگە دەيىن باستالماعان. تاعى ءبىر مىسالدا، ىلە اۋدانىندا «Solid Cristal» جشس-عا 339 ملن. تەڭگە تۇراتىن 38 گا ۋچاسكە بەرىلدى.

ۋچاسكە التى جىلدان استام ۋاقىت بويى پايدالانىلماعان. وبلىس پروكۋراتۋراسىنىڭ شارالارىمەن بۇل ۋچاسكەلەر مەملەكەتتىك مەنشىككە قايتارىلدى. پروكۋراتۋرانىڭ قاداعالاۋ اكتىسى بويىنشا 1 ملن. گا جۋىق پايدالانىلماعان جەرلەردى قايتارۋ جۇمىستارى ءجۇرىپ جاتىر.