Almaty oblysynda jer paidalanýshylar jer ýchastkileriniń maqsatyn ózgertkeni úshin 1,5 mlrd teńge tólemegen, - dep habarlaidy Dalanews.kz.
Zań boiynsha, mundai áreketterdi jasaǵan kezde jer ýchaskesiniń iesi jer ýchaskesiniń kadastrlyq qunyn tóleýge mindetti. Oblys boiynsha osyndai 100-den astam jer ieleri anyqtaldy.
Oblys prokýratýrasy qabyldaǵan sharalar boiynsha búgingi kúni biýdjetke 236 mln. teńge qaitaryldy, qalǵan soma óndirilip jatyr.
Sonymen qatar, oblys prokýratýrasynyń qadaǵalaý aktisi boiynsha 2024 jyly 2,5 mlrd. teńge turatyn, aýmaǵy 12,5 myń ga paidalanylmaǵan jer 155 ýchaskeleri qaitaryldy.
Mysaly, 2020 jyly Qonaev qalasynda bir kásiporynǵa gidroelektrostantsiia salý úshin aýmaǵy 500 ga 5 jer ýchaskesi berildi. Alaida qurylys osy kúnge deiin bastalmaǵan. Taǵy bir mysalda, Ile aýdanynda «Solid Cristal» JShS-ǵa 339 mln. teńge turatyn 38 ga ýchaske berildi.
Ýchaske alty jyldan astam ýaqyt boiy paidalanylmaǵan. Oblys prokýratýrasynyń sharalarymen bul ýchaskeler memlekettik menshikke qaitaryldy. Prokýratýranyń qadaǵalaý aktisi boiynsha 1 mln. ga jýyq paidalanylmaǵan jerlerdi qaitarý jumystary júrip jatyr.
