2024 جىلى ەلەۋمەتتٸك قامسىزداندىرۋعا 5,4 ترلن تەڭگە بٶلٸندٸ, ونىڭ ٸشٸندە زەينەتاقى تٶلەۋگە 3,8 ترلن تەڭگە قاراستىرىلدى. بارلىق ەلەۋمەتتٸك تٶلەمگە (زەينەتاقىلار مەن جەردەماقىلار) ارنالعان شىعىستار رەسپۋبليكا بيۋدجەتٸنٸڭ شىعىسىنىڭ 21,8 %-ىن قۇرادى, دەپ حابارلايدى Dalanews.kz.
مەملەكەت 2024 جىلى مٷگەدەكتٸگٸ جەنە اسىراۋشىسىنان ايىرىلۋى بويىنشا 614 ملرد تەڭگەگە جەردەماقى تٶلەدٸ. سونىمەن قاتار كٶپبالالى وتباسىلاردى قولداۋعا 472,9 ملرد تەڭگە بٶلدٸ.
2025 جىلى حالىق الدىنداعى ەلەۋمەتتٸك مٸندەتتەمەلەردٸ ورىنداۋ ٷشٸن 6 ترلن تەڭگە قاراستىرىلعىن, الۋشىلار سانى شامامەن – 5 ملن ادام.
قازاقستاندا زەينەتاقى مەن جەردەماقى مٶلشەرٸ ٶستٸ
2025 جىلعى 1 قاڭتاردان باستاپ مەملەكەتتٸك جەردەماقىلار مەن بازالىق زەينەتاقى تٶلەمدەرٸنٸڭ بارلىق تٷرٸنٸڭ مٶلشەرٸ قر ۇلتتىق بانكٸ ايقىندايتىن ينفلياتسييانىڭ بولجامدى دەڭگەيٸنە سەيكەس 6,5%-عا, ىنتىماقتى زەينەتاقى 8,5%-عا, ياعني ينفلياتسييا دەڭگەيٸنەن 2% - عا وزا وتىرىپ ۇلعايتىلدى.
بۇدان باسقا مەملەكەت باسشىسىنىڭ تاپسىرماسى بويىنشا 2023 جىلدان باستاپ بەس جىل ٸشٸندە ەڭ تٶمەن بازالىق زەينەتاقىنى ەڭ تٶمەن كٷنكٶرٸس دەڭگەيٸنٸڭ 70 %-نا دەيٸن, ەڭ جوعارى – 120 %-عا دەيٸن جىل سايىن كەزەڭ-كەزەڭٸمەن ارتتىرۋ جٷزەگە اسىرىلادى.
2025 جىلعى 1 قاڭتاردان باستاپ مەملەكەتتٸك جەردەماقىلاردىڭ ۇلعايۋىنىڭ بٸرنەشە ٷلگٸسٸ:
- 1, 2, 3 بالا تۋعاندا بەرٸلەتٸن جەردەماقى 140 مىڭ تەڭگەدەن 149 مىڭ تەڭگەگە دەيٸن, 4 جەنە ودان دا كٶپ بالا تۋعاندا بەرٸلەتٸن جەردەماقى – 233 مىڭتەڭگەدەن 248 مىڭ تەڭگەگە دەيٸن ۇلعايدى;
- مٶلشەرٸ بالالار سانىنا بايلانىستى بەرٸلەتٸن كٶپبالالى وتباسىلارعا ارنالعان جەردەماقى 4 بالاسى بار وتباسىلار ٷشٸن 59 مىڭ تەڭگەدەن 63 مىڭ تەڭگەگە دەيٸن, 10 بالاسى بار وتباسىلار ٷشٸن – 148 مىڭ تەڭگەدەن 157 مىڭ تەڭگەگە دەيٸن ارتتى;
- I توپ مٷگەدەكتٸگٸ بار ادامدارعا ارنالعان جەردەماقى 95 مىڭ تەڭگەدەن 102 مىڭ تەڭگەگە دەيٸن, II توپ – 76 مىڭ تەڭگەدەن 81 مىڭ تەڭگەگە دەيٸن, III توپ – 52 مىڭ تەڭگەدەن 55 مىڭ تەڭگەگە دەيٸن ٶستٸ.
