2024 jyly áleýmettik qamsyzdandyrýǵa 5,4 trln teńge bólindi, onyń ishinde zeinetaqy tóleýge 3,8 trln teńge qarastyryldy. Barlyq áleýmettik tólemge (zeinetaqylar men járdemaqylar) arnalǵan shyǵystar respýblika biýdjetiniń shyǵysynyń 21,8 %-yn qurady, dep habarlaidy Dalanews.kz.
Memleket 2024 jyly múgedektigi jáne asyraýshysynan aiyrylýy boiynsha 614 mlrd teńgege járdemaqy tóledi. Sonymen qatar kópbalaly otbasylardy qoldaýǵa 472,9 mlrd teńge bóldi.
2025 jyly halyq aldyndaǵy áleýmettik mindettemelerdi oryndaý úshin 6 trln teńge qarastyrylǵyn, alýshylar sany shamamen – 5 mln adam.
Qazaqstanda zeinetaqy men járdemaqy mólsheri ósti
2025 jylǵy 1 qańtardan bastap memlekettik járdemaqylar men bazalyq zeinetaqy tólemderiniń barlyq túriniń mólsheri QR Ulttyq Banki aiqyndaityn infliatsiianyń boljamdy deńgeiine sáikes 6,5%-ǵa, yntymaqty zeinetaqy 8,5%-ǵa, iaǵni infliatsiia deńgeiinen 2% - ǵa oza otyryp ulǵaityldy.
Budan basqa Memleket basshysynyń tapsyrmasy boiynsha 2023 jyldan bastap bes jyl ishinde eń tómen bazalyq zeinetaqyny eń tómen kúnkóris deńgeiiniń 70 %-na deiin, eń joǵary – 120 %-ǵa deiin jyl saiyn kezeń-kezeńimen arttyrý júzege asyrylady.
2025 jylǵy 1 qańtardan bastap memlekettik járdemaqylardyń ulǵaiýynyń birneshe úlgisi:
- 1, 2, 3 bala týǵanda beriletin járdemaqy 140 myń teńgeden 149 myń teńgege deiin, 4 jáne odan da kóp bala týǵanda beriletin járdemaqy – 233 myńteńgeden 248 myń teńgege deiin ulǵaidy;
- mólsheri balalar sanyna bailanysty beriletin kópbalaly otbasylarǵa arnalǵan járdemaqy 4 balasy bar otbasylar úshin 59 myń teńgeden 63 myń teńgege deiin, 10 balasy bar otbasylar úshin – 148 myń teńgeden 157 myń teńgege deiin artty;
- I top múgedektigi bar adamdarǵa arnalǵan járdemaqy 95 myń teńgeden 102 myń teńgege deiin, II top – 76 myń teńgeden 81 myń teńgege deiin, III top – 52 myń teńgeden 55 myń teńgege deiin ósti.
