"جالپىعا بٸردەي بٸلٸم بەرۋ" قورى اياسىندا اتا-انالاردىڭ جەنە زاڭدى ٶكٸلدەردٸڭ ەسەپشوتتارىنا مەكتەپ فورماسىن, اياق كيٸم مەن وقۋ-قۇرالدارىن ساتىپ الۋ ٷشٸن شامامەن 20 ملرد تەڭگە اۋدارىلدى, دەپ حابارلايدى Dalanews.kz.
قر وقۋ-اعارتۋ مينيسترلٸگٸ باسپاسٶز قىزمەتٸنٸڭ حابارلاۋىنشا, قولداۋ 430 مىڭنان استام بالانى قامتىدى, بۇل جالپى الۋشىلار سانىنىڭ 87%-ىنا جۋىق.
"2025 جىلى كٶمەك 500 مىڭنان استام بالاعا كٶرسەتٸلەدٸ. ونىڭ ٸشٸندە – جەتٸم بالالار, اتا-اناسىنىڭ قامقورلىعىنسىز قالعاندار, از قامتاماسىز ەتٸلگەن جەنە اتاۋلى ەلەۋمەتتٸك كٶمەك الۋشى وتباسىلاردىڭ بالالارى, سونداي-اق ٶمٸرلٸك قيىن جاعدايعا تاپ بولعان بالالار بار", دەلٸنگەن مينيسترلٸك حابارلاماسىندا.
بٷگٸندە استانا مەن شىمكەنت قالالارىندا قاراجات تولىق كٶلەمدە اۋدارىلىپ, 100% وتباسى كٶمەك الدى.
"ٶڭٸرلەر اتا-انالاردىڭ ەسەپشوتتارىنا قاراجاتتى بەلسەندٸ تٷردە اۋدارۋدا. كٶمەك العاندار ساتىپ الىنعان تاۋارلاردى راستايتىن قۇجاتتاردى ۇسىنۋى تيٸس. تٶلەمدٸ الۋ ٷشٸن ٶتٸنٸش جازۋ جەتكٸلٸكتٸ", دەپ اتاپ ٶتتٸ قر وقۋ-اعارتۋ مينيسترلٸگٸ بالالاردىڭ قۇقىقتارىن قورعاۋ كوميتەتٸنٸڭ تٶرايىمى ناسىمجان وسپانوۆا.
2025 جىلى "جالپىعا بٸردەي بٸلٸم بەرۋ" قورى بويىنشا جالپى قارجىلاندىرۋ كٶلەمٸ 23,1 ملرد تەڭگەنٸ قۇرايدى. تٶلەم مٶلشەرٸ ٶڭٸرلٸك بيۋدجەتكە سەيكەس, مەسليحات شەشٸمٸ نەگٸزٸندە بەلگٸلەنەدٸ جەنە بٸر بالاعا كەمٸندە 46 228 تەڭگەدەن تٶمەن بولماۋى تيٸس.
ايتا كەتۋ كەرەك, 2023 جىلدان بەرٸ ماتەريالدىق كٶمەك كٶلەمٸ 2,5 ەسەگە ٶسٸپ, 17 مىڭنان 46 مىڭ تەڭگەگە دەيٸن ارتتى.
