مەكتەپ ديرەكتورى مۇعالٸمدٸ جۇمىسقا قابىلداۋعا قاتىسپايدى
ٶڭٸر باسشىسى پاراقورلىققا, زاڭسىزدىققا جول بەرگەن لاۋازىمدى تۇلعالارعا قاتاڭ شارا قولدانىلاتىنىن ايتىپ, قىزمەتكەرلەرٸنە ەسكەرتۋ جاسادى. مەجٸلٸستە تٷركٸستان وبلىسى ەكٸمٸ اپپاراتى مەملەكەتتٸك قۇقىق بٶلٸمٸنٸڭ باسشىسى ن.ەشەنقۇلوۆتىڭ بايانداماسى تىڭدالدى. ول ەلباسى جولداۋلارى مەن «100 ناقتى قادام» ۇلت جوسپارىندا سىبايلاس جەمقورلىقپەن كٷرەستٸ كٷشەيتۋ مٸندەتٸ جٷكتەلگەنٸنە توقتالدى.
ٶڭٸردە سىبايلاس جەمقورلىققا قارسى كٷرەس جٷرگٸزٸلٸپ جاتقانىن تٸلگە تيەك ەتٸپ, بٸرقاتار دەرەكتەردٸ باياندادى. بيىل 8 اي كٶلەمٸندە وبلىستا 170 سىبايلاس جەمقورلىق دەرەگٸ تٸركەلسە, ونىڭ ٸشٸندە جەرگٸلٸكتٸ اتقارۋشى ورگانداردىڭ 25 مەملەكەتتٸك قىزمەتكەرٸ سىبايلاس جەمقورلىققا قاتىستى ايىپتالعان. ونىڭ 18-ٸ پارا الۋ دەرەگٸمەن جاۋاپكەرشٸلٸككە تارتىلسا, 4-ەۋٸ الاياقتىققا جول بەرگەن. دەگەنمەن, سوڭعى جىلدارى جەرگٸلٸكٸ اتقارۋشى ورگان قىزمەتكەرلەرٸنە قاتىستى سىبايلاس جەمقورلىق فاكتٸلەرٸ تٶمەندەپ كەلەدٸ. مەسەلەن, 2016 جىلى 44 وقيعا تٸركەلسە, 2017 جىلى 40 وقيعا تٸركەلگەن. سىبايلاس جەمقورلىققا بايلانىستى قىلمىستاردىڭ باسىم بٶلٸگٸ سارىاعاش, سايرام جەنە بۇرىنعى ماقتاارال اۋدانىنا تيەسٸلٸ. اۋدان ەكٸمٸ اپپاراتى قىزمەتكەرلەرٸنە قاتىستى 7 وقيعا تٸركەلسە, ەكٸمدەردٸڭ ٷستٸنەن سىبايلاس جەمقورلىققا بايلانىستى 6 دەرەك انىقتالعان.
اتقارىلعان جۇمىستارعا قاراماستان ەسٸرەسە, بٸلٸم سالاسىندا جەمقورلىق دەرەكتەرٸ جيٸ كەزدەسٸپ جاتىر. وبلىستىق بٸلٸم باسقارماسى باسشىسىنىڭ ورىنباسارى ا.سادىقوۆانىڭ ايتۋىنشا, ٶڭٸردە كوررۋپتسييانىڭ الدىن الۋ ٷشٸن باسقارما تاراپىنان بٸرقاتار قىزمەتتەردٸ تسيفرلاندىرۋ شارالارى قولعا الىنعان. مەسەلەن, مەكتەپكە دەيٸنگٸ بٸلٸم بەرۋ ۇيالارىنا جولداما بەرۋ جەنە كەزەككە قويۋ اۆتوماتتاندىرىلىپ, 12 مىڭنان استام بالا بالاباقشاعا ورنالاسقان. ياعني, ادامي فاكتور ازايىپ, ٶتٸنٸشتەر ەلەكتروندى تٷردە رەتتەلگەن. 902 ورتا مەكتەپ mektep.sitcen.kz جٷيەسٸنە قوسىلىپ, وقۋشىلار وسى ارقىلى مەكتەپكە قابىلدانىپ جاتىر. بٷگٸندە 53031 وقۋشى ەلەكتروندى تٷردە 1-سىنىپقا قابىلدانعان. سونىمەن قاتار, 902 بٸلٸم ۇياسىندا jumys.sitسen.kz جٷيەسٸ ەنگٸزٸلٸپ, 2718 ٶتٸنٸش كەلٸپ تٷسكەن. جٷيە قىزمەتٸ ارقىلى 321 مۇعالٸم جۇمىسقا قابىلداندى. قازٸرگٸ تاڭدا جٷيەدە 652 بوس جۇمىس ورنى تۋرالى مەلٸمەت تۇر. ەندٸ ۇستازدارعا ديرەكتورعا نەمەسە باسقالارعا جولىقپاي جۇمىسقا ورنالاسۋ جٷرگٸزٸلۋدە. ال, تەحنيكالىق قىزمەتكەرلەردٸ جۇمىسقا قابىلداۋدى مەكتەپ ديرەكتورىنىڭ قۇزٸرەتٸنەن الىپ تاستاپ, اۋتسورسينگكە ٶتكٸزۋ ۇسىنىسى قاراستىرىلىپ جاتىر.
جيىندا جەر قاتىناستارى, مەملەكەتتٸك ساتىپ الۋ سالاسىنداعى زاڭبۇزۋشىلىقتار دا تالقىلانىپ, سىيبايلاس جەمقورلىققا قارسى كٷرەس جٶنٸندەگٸ كوميسسييانىڭ جۇمىسىن كٷشەيتۋ كەرەكتٸگٸ ايتىلدى. وبلىس ەكٸمٸ ج.تٷيمەباەۆ باسقارما باسشىلارىنىڭ ەسەبٸن تىڭداپ, ەلگە شىنايى وتانشىلدىق سەزٸممەن ادال قىزمەت ەتۋ كەرەكتٸگٸن ايتتى.
«سىبايلاس جەمقورلىق – قوعامنىڭ ٸندەتٸ. سوندىقتان حالىق اراسىندا سىبايلاس جەمقورلىققا قارسى مەدەنيەتتٸ قالىپتاستىرۋ جۇمىستارى قولعا الىنىپ, بٸلٸم بەرۋ ۇيىمدارىندا مەدەني-اعارتۋشىلىق جۇمىستارى اتقارىلسىن. سىبايلاس جەمقورلىققا قارسى كوميسسيياسى جانىنان ٸشكٸ تالداۋ جۇمىستارىن جٷرگٸزۋ ٷشٸن جۇمىسشى توبى قۇرىلۋى تيٸس. مەملەكەتتٸك مەكەمەلەر اشىق ەرٸ ەلگە جاقىن بولىپ, ساپالى قىزمەت كٶرسەتسٸن. سىبايلاس جەمقورلىق فاكتٸلەرٸ تٸركەلگەن ەرٸ وسى ٸندەتكە قارسى تيٸستٸ دەرەجەدە قاداعالاۋ جٷرگٸزبەگەن لاۋازىمدى قىزمەتكەرلەردٸڭ مەسەلەسٸ قاتاڭ قارالاتىن بولادى» دەپ, اۋدان, قالا ەكٸمدەرٸ مەن باسقارما باسشىلارىنا جەمقورلىققا قارسى كٷرەستٸ كٷشەيتۋ جٶنٸندە تاپسىرما بەردٸ.
تٷركٸستان وبلىسى ەكٸمٸنٸڭ باسپاسٶز قىزمەتٸ
