ەلٸمٸزدٸڭ بٸرنەشە ٶڭٸرٸندە "مەكتەپكە جول" اكتسيياسى اياسىندا كٶرسەتٸلەتٸن كٶمەككە قاتىستى اتا-انالاردىڭ شاعىمى كٶبەيدٸ. اتىراۋدا كٶپبالالى انالار ٶتٸنٸشتەرٸنٸڭ قابىلدانباعانىنا نارازى, ال تٷركٸستاندا تۇرعىندار ۇزىن-سونار كەزەككە تۇرۋعا مەجبٷر. شىمكەنتتە دە قولداۋعا قول جەتكٸزە الماعان انالار ەكٸمدٸككە بارىپ, مەسەلەنٸ شەشۋدٸ تالاپ ەتٸپ وتىر, دەپ حابارلايدى dalanews.kz.
"مەكتەپكە جول" اكتسيياسى از قامتىلعان جەنە كٶپبالالى وتباسىلاردىڭ بالالارىن جاڭا وقۋ جىلىنا دايىنداۋعا قولداۋ كٶرسەتۋگە باعىتتالعان. الايدا اتىراۋدا وسى كٶمەككە ٶتٸنٸش بەرگەن بٸرقاتار وتباسى "باس تارتۋ" تۋرالى جاۋاپ العان.
انالاردىڭ ايتۋىنشا, كٶمەككە ٶتٸنٸش بەرگەندەردٸڭ اراسىندا تابىسى تٶمەن ەرٸ بٸرنەشە بالاسىن بٸر مەزەتتە مەكتەپكە دايىنداپ وتىرعان كٶپبالالى وتباسىلار بار. الايدا ولاردىڭ ٶتٸنٸشتەرٸ قابىلدانباعان. اتا-انالار باس تارتۋعا ناقتى نە سەبەپ بولعانى تٷسٸندٸرٸلمەگەنٸن جەتكٸزدٸ.
"مەن 11 بالانىڭ اناسىمىن. بيىل التى بالام مەكتەپكە بارادى. جولداسىم جۇمىس ٸستەيدٸ-ٸستەمەيدٸ دەپ ايتا المايمىن. اقشامىز قارىزىمىز بەن تاماعىمىزدان ارتىلمايدى. التى بالانى كيٸندٸرۋ وڭاي ەمەس. نەگە باس تارتىپ جاتقانىن ەشكٸم بٸلمەيدٸ, سەبەبٸن دە ايتپايدى. بٸزدٸڭ ايلىق تابىسىمىز – 200 مىڭ تەڭگە. سونىڭ ٶزٸندە باس تارتۋ كەلٸپ تۇر", - دەيدٸ كٶپبالالى انالاردىڭ بٸرٸ.
ال تٷركٸستاندا اتا-انالار مەكتەپ فورماسىنا بەرٸلەتٸن كٶمەكتٸ الۋ ٷشٸن ۇزىن-سونار كەزەككە تۇرۋعا مەجبٷر. ەلەۋمەتتٸك جەلٸدە تاراعان اقپاراتقا سٷيەنسەك, قالاداعى مانساپ ورتالىعىنا قۇجات تاپسىرۋعا كەلگەن تۇرعىندار سانى كٷن سايىن ارتىپ كەلەدٸ.
اۆتوردىڭ سٶزٸنشە, ٶتٸنٸش بەرۋ ٷشٸن ەلەكتروندى جٷيە قاراستىرىلماعاندىقتان, تۇرعىندار ورتالىققا ٶزدەرٸ كەلٸپ, كەزەك كٷتۋگە مەجبٷر. كەيبٸر اتا-انالار ەكٸ اپتا بويى سابىلىپ جٷرگەنٸن, الايدا ەلٸ كٷنگە دەيٸن قاجەتتٸ قۇجاتتارىن رەسٸمدەي الماي وتىرعانىن جەتكٸزگەن.
شىمكەنتتە دە مەكتەپ فورماسىنا قاتىستى مەسەلە كٶتەرٸلدٸ. قاجەتتٸ كٶمەكتٸ الا الماعان بٸر توپ انا قالا ەكٸمدٸگٸنە جينالىپ, نارازىلىعىن بٸلدٸردٸ.
ولار جاڭا وقۋ جىلى تاياپ قالعانىن ايتىپ, قۇجات قابىلداۋ پروتسەسٸن جەڭٸلدەتۋدٸ جەنە مەسەلەنٸ جەدەل شەشۋدٸ سۇرادى.
