قازاقستاننىڭ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنە قاراستى جاساندى ينتەللەكت جەنە يننوۆاتسييالاردى دامىتۋ كوميتەتٸ تٶراعاسىنىڭ ورىنباسارى ەلٸبەك سايلانباەۆ مەديتسينا سالاسىندا جاساندى ينتەللەكتٸ قولدانۋ كەزٸندە تۋىنداۋى مٷمكٸن قاتەلٸكتەرگە كٸم جاۋاپ بەرەتٸنٸن ايتتى, دەپ حابارلايدى Dalanews.kz.
ونىڭ سٶزٸنشە, مەديتسينا – جاساندى ينتەللەكت العاش ەنگٸزٸلە باستاعان سالالاردىڭ بٸرٸ. قازٸر ەلٸمٸزدە جاساندى ينتەللەكت نەگٸزٸندە جۇمىس ٸستەيتٸن بٸرنەشە ستارتاپ ٸسكە قوسىلعان. مەسەلەن, اقىلدى تەحنولوگييالار ينسۋلتتٸ مي سۋرەتتەرٸ ارقىلى انىقتاۋعا, اۋىز قۋىسى اۋرۋلارىن 3D كەسكٸندەر ارقىلى دياگنوستيكالاۋعا كٶمەكتەسەدٸ.
"قازٸرگٸ تاڭدا جاساندى ينتەللەكت – بۇل تەك قۇرال. ول دەرٸگەرگە كەيبٸر نەرسەلەردٸ انىقتاۋعا كٶمەكتەسەدٸ. مەسەلەن, دەرٸگەر بايقاماعان جايتتاردى ٸٸ تەز انىقتاپ بەرە الادى. بٸراق وعان تولىق سەنٸپ, ەمدەۋدٸ تولىعىمەن سوعان جٷكتەۋ ەلٸ ەرتە دەپ ويلايمىن", – دەدٸ سايلانباەۆ ورتالىق كوممۋنيكاتسييالار قىزمەتٸندە ٶتكەن بريفينگتە.
دەگەنمەن سپيكەردٸڭ پٸكٸرٸنشە, دياگنوز قويۋ كەزٸندە جاساندى ينتەللەكتتٸڭ قاتەسٸ ورىن السا, تٷپكٸلٸكتٸ جاۋاپكەرشٸلٸك دەرٸگەرگە جٷكتەلۋٸ تيٸس.
"مىسالى, سٸز بٸرەۋگە تاياق لاقتىردىڭىز دەلٸك. بۇل جاعدايدا كٸنە تاياقتا ەمەس, سٸزدە. ياعني جاساندى ينتەللەكت – دەرٸگەرگە كٶمەكتەسەتٸن قۇرال عانا. ال دياگنوز قويىپ, ەم جٷرگٸزەتٸن دەرٸگەردٸڭ ٶزٸ. سوندىقتان جاۋاپكەرشٸلٸك تە سوعان تيەسٸلٸ", – دەپ تٷسٸندٸردٸ سايلانباەۆ.
