قازاقستاننىڭ ۇلتتىق مەديتسينالىق عىلىمي ينستيتۋتتارى ادام ٶمٸرٸن ساقتاپ, كٷردەلٸ وتالار جاساۋدا كٷن سايىن جاڭا جەتٸستٸكتەرگە جەتٸپ كەلەدٸ. وسىعان وراي, مەجٸلٸس دەپۋتاتى اسحات ايماعامبەتوۆتىڭ باستاماسىمەن ماڭىزدى كەزدەسۋ ٶتتٸ. كەزدەسۋ بارىسىندا كارديوحيرۋرگييا, ونكولوگييا, تراۆماتولوگييا, نەيروحيرۋرگييا جەنە باسقا دا جەتەكشٸ مەديتسينالىق ينستيتۋتتاردىڭ باسشىلارى بەيٸندٸ PhD-دوكتورلاردى وسى ينستيتۋتتاردا دايارلاۋ مەسەلەسٸن تالقىلادى, دەپ حابارلايدى Dalanews.kz.
قازٸرگٸ ۋاقىتتا دوكتورانتۋرا تەك ۋنيۆەرسيتەتتەردە عانا قولجەتٸمدٸ. الايدا بۇل ەدٸس مەديتسينا سالاسى ٷشٸن جەتكٸلٸكسٸز ەكەنٸ بايقالۋدا. ايماعامبەتوۆتىڭ ايتۋىنشا, تەورييا مەن پراكتيكانى ٷيلەستٸرۋ ٷشٸن دوكتورانتتاردىڭ بٸلٸم الۋ ٷلگٸسٸن قايتا قاراۋ قاجەت.
ۇسىنىلعان ٶزگەرٸستەر قانداي?
• مەملەكەتتٸك تاپسىرىستى تٸكەلەي ۇلتتىق مەديتسينالىق عىلىمي ينستيتۋتتارعا بٶلۋ.
• مەديتسينالىق ينستيتۋتتار جانىنان ديسسەرتاتسييالىق كەڭەستەر قۇرۋ.
• پراكتيكاسىز جٷزەگە اسپايتىن بەيٸندٸ باعدارلامالاردى عىلىمي ينستيتۋتتاردا ەنگٸزۋ.
اسحات ايماعامبەتوۆ بۇل مودەلدٸڭ ارتىقشىلىقتارىن دا اتاپ ٶتتٸ.
“ۋنيۆەرسيتەتتەر دوكتورانتتاردى تەورييالىق بٸلٸممەن قامتاماسىز ەتسە, عىلىمي ينستيتۋتتار پراكتيكالىق تەجٸريبە بەرٸپ, جاس عالىمدارعا كٷردەلٸ وپەراتسييالارعا قاتىسۋعا مٷمكٸندٸك بەرەدٸ. بۇل – مەديتسينا سالاسىندا بٸلٸكتٸ ماماندار دايىنداۋدىڭ ەڭ تيٸمدٸ جولى”, — دەيدٸ ول.
نەلٸكتەن بۇرىنعى جٷيە جۇمىس ٸستەمەدٸ?
دەپۋتاتتىڭ سٶزٸنشە, بۇعان دەيٸن كونسورتسيۋم مودەلٸ ەنگٸزٸلمەك بولعان. الايدا قارجىلاندىرۋ مەن مەملەكەتتٸك تاپسىرىستى ۇيىمداستىرۋداعى قيىندىقتار, ۋنيۆەرسيتەتتەردٸڭ تەلٸمگەر تارتۋعا قۇلىقسىزدىعى جەنە باسقا دا ۇيىمداستىرۋشىلىق مەسەلەلەر بۇل باستامانىڭ تولىق ٸسكە اسۋىنا كەدەرگٸ كەلتٸرگەن.
مەديتسينا سالاسىنىڭ ٶكٸلدەرٸ بۇل باستامانى قولداپ وتىر. ٶيتكەنٸ جاس عالىمدار تەك كٸتاپتاعى تەورييامەن شەكتەلمەي, شىنايى وپەراتسييالارعا قاتىسىپ, تەجٸريبەلٸ حيرۋرگتارمەن بٸرگە جۇمىس ٸستەگەندە عانا ٶمٸر قۇتقارۋدىڭ قىر-سىرىن مەڭگەرە الادى.
“مەديتسينا – بۇل تەك عىلىم عانا ەمەس, ٶمٸر قۇتقارۋدىڭ ٶنەرٸ. ەندٸ مەديتسينا سالاسىنىڭ بولاشاق ماماندارىن دايىنداۋ جٷيەسٸن قايتا قاراپ, شىنايى تەجٸريبەگە نەگٸزدەلگەن ٶزگەرٸستەر ەنگٸزەتٸن ۋاقىت كەلدٸ,” – دەيدٸ ايماعامبەتوۆ.
دەپۋتات جاڭا باستاما مەديتسينا سالاسىنداعى دوكتورانتتاردى دايارلاۋ ساپاسىن ارتتىرۋعا جەنە ۇلتتىق عىلىمي ينستيتۋتتاردىڭ ەلەۋەتٸن تولىق پايدالانۋعا مٷمكٸندٸك بەرەدٸ.
