قازاقستاندا كٶلٸك جٷرگٸزۋگە مەديتسينالىق قارسى كٶرسەتٸلٸمٸ بار 21 مىڭنان استام جٷرگٸزۋشٸ انىقتالدى, دەپ حابارلايدى dalanews.kz.
بۇل باعىتتاعى جۇمىستى دەنساۋلىق ساقتاۋ مينيسترلٸگٸ ٸشكٸ ٸستەر مينيسترلٸگٸمەن بٸرلەسٸپ جٷرگٸزٸپ جاتىر. ماقسات – كٶلٸكتٸ قاۋٸپسٸز باسقارۋعا كەدەرگٸ كەلتٸرەتٸن مەديتسينالىق جاعدايلاردى دەر كەزٸندە انىقتاۋ.
قازٸرگٸ ۋاقىتتا مەديتسينالىق قارسى كٶرسەتٸلٸمٸ تۋرالى مەلٸمەتٸ بار 21 مىڭنان استام جٷرگٸزۋشٸ انىقتالعان. سونىمەن قاتار ەرتٷرلٸ نەگٸزدەر بويىنشا 2246 ادام ديسپانسەرلٸك ەسەپتەن شىعارىلعان.
13 مىڭنان استام ادامعا قاتىستى اۋماقتىق پوليتسييا دەپارتامەنتتەرٸ سوتقا تالاپ ارىز بەرگەن. زاڭدى كٷشٸنە ەنگەن سوت شەشٸمدەرٸ نەگٸزٸندە 7400 جٷرگٸزۋشٸ كۋەلٸگٸنٸڭ كٷشٸ توقتاتىلعان.
جٷرگٸزۋشٸنٸڭ قۇقىعىن شەكتەۋ تەك كٶلٸك باسقارۋ قاۋٸپسٸزدٸگٸنە ەسەر ەتۋٸ مٷمكٸن مەديتسينالىق قارسى كٶرسەتٸلٸمدەر انىقتالعان جاعدايدا جٷزەگە اسىرىلادى. بۇل رەتتە جٷرگٸزۋشٸ كۋەلٸگٸن توقتاتۋ تۋرالى تٷپكٸلٸكتٸ شەشٸمدٸ سوت قابىلدايدى.
كٶلٸك باسقارۋعا مەديتسينالىق قارسى كٶرسەتٸلٸمدەردٸڭ تٸزبەسٸ دەنساۋلىق ساقتاۋ مينيسترلٸگٸنٸڭ №853 بۇيرىعىمەن بەكٸتٸلگەن.
ابسوليۋتتٸ قارسى كٶرسەتٸلٸمدەر قاتارىنا ادامنىڭ مەديتسينالىق تۇرعىدان كٶلٸكتٸ قاۋٸپسٸز باسقارا المايتىن اۋرۋلارى مەن جاعدايلارى جاتادى. ولاردىڭ اراسىندا ەپيلەپسييا, ەكٸ كٶزدٸڭ سوقىرلىعى, كەيبٸر اۋىر پسيحيكالىق بۇزىلىستار, سونداي-اق پسيحوبەلسەندٸ زاتتاردى قولدانۋعا بايلانىستى جەكەلەگەن پسيحيكالىق جەنە مٸنەز-قۇلىق بۇزىلىستارى بار.
الايدا كەز كەلگەن دياگنوز كٶلٸك جٷرگٸزۋگە اۆتوماتتى تٷردە تىيىم سالۋدى بٸلدٸرمەيدٸ. مىسالى, كٶرۋ, ەستۋ نەمەسە تٸرەك-قيمىل اپپاراتىنا قاتىستى كەيبٸر بۇزىلىستار كەزٸندە مەديتسينالىق تالاپتار ساقتالعان نەمەسە ارنايى قۇرالدار – كٶزٸلدٸرٸك, كونتاكت لينزالارى, ەستۋ اپپاراتى, قولمەن باسقارۋ جەنە باسقا دا بەيٸمدەۋ قۇرالدارى پايدالانىلعان جاعدايدا كٶلٸك جٷرگٸزۋگە رۇقسات بەرٸلۋٸ مٷمكٸن.
ەگەر جٷرگٸزۋشٸدەن مەديتسينالىق قارسى كٶرسەتٸلٸم انىقتالىپ, زاڭنامادا كٶزدەلگەن نەگٸزدەر بولسا, تيٸستٸ اقپارات ٸشكٸ ٸستەر ورگاندارىنا بەرٸلەدٸ. ودان كەيٸن پوليتسييا نەگٸز بولعان جاعدايدا سوتقا جٷگٸنەدٸ.
وسىلايشا, مەديتسينالىق دياگنوزدىڭ بولۋى جٷرگٸزۋشٸ كۋەلٸگٸنٸڭ كٷشٸن اۆتوماتتى تٷردە توقتاتپايدى. تٷپكٸلٸكتٸ شەشٸم زاڭدا بەلگٸلەنگەن تەرتٸپپەن قابىلدانادى.
