Qazaqstanda kólik júrgizýge meditsinalyq qarsy kórsetilimi bar 21 myńnan astam júrgizýshi anyqtaldy, dep habarlaidy dalanews.kz.
Bul baǵyttaǵy jumysty Densaýlyq saqtaý ministrligi Ishki ister ministrligimen birlesip júrgizip jatyr. Maqsat – kólikti qaýipsiz basqarýǵa kedergi keltiretin meditsinalyq jaǵdailardy der kezinde anyqtaý.
Qazirgi ýaqytta meditsinalyq qarsy kórsetilimi týraly málimeti bar 21 myńnan astam júrgizýshi anyqtalǵan. Sonymen qatar ártúrli negizder boiynsha 2246 adam dispanserlik esepten shyǵarylǵan.
13 myńnan astam adamǵa qatysty aýmaqtyq politsiia departamentteri sotqa talap aryz bergen. Zańdy kúshine engen sot sheshimderi negizinde 7400 júrgizýshi kýáliginiń kúshi toqtatylǵan.
Júrgizýshiniń quqyǵyn shekteý tek kólik basqarý qaýipsizdigine áser etýi múmkin meditsinalyq qarsy kórsetilimder anyqtalǵan jaǵdaida júzege asyrylady. Bul rette júrgizýshi kýáligin toqtatý týraly túpkilikti sheshimdi sot qabyldaidy.
Kólik basqarýǵa meditsinalyq qarsy kórsetilimderdiń tizbesi Densaýlyq saqtaý ministrliginiń №853 buiryǵymen bekitilgen.
Absoliýtti qarsy kórsetilimder qataryna adamnyń meditsinalyq turǵydan kólikti qaýipsiz basqara almaityn aýrýlary men jaǵdailary jatady. Olardyń arasynda epilepsiia, eki kózdiń soqyrlyǵy, keibir aýyr psihikalyq buzylystar, sondai-aq psihobelsendi zattardy qoldanýǵa bailanysty jekelegen psihikalyq jáne minez-qulyq buzylystary bar.
Alaida kez kelgen diagnoz kólik júrgizýge avtomatty túrde tyiym salýdy bildirmeidi. Mysaly, kórý, estý nemese tirek-qimyl apparatyna qatysty keibir buzylystar kezinde meditsinalyq talaptar saqtalǵan nemese arnaiy quraldar – kózildirik, kontakt linzalary, estý apparaty, qolmen basqarý jáne basqa da beiimdeý quraldary paidalanylǵan jaǵdaida kólik júrgizýge ruqsat berilýi múmkin.
Eger júrgizýshiden meditsinalyq qarsy kórsetilim anyqtalyp, zańnamada kózdelgen negizder bolsa, tiisti aqparat ishki ister organdaryna beriledi. Odan keiin politsiia negiz bolǵan jaǵdaida sotqa júginedi.
Osylaisha, meditsinalyq diagnozdyń bolýy júrgizýshi kýáliginiń kúshin avtomatty túrde toqtatpaidy. Túpkilikti sheshim zańda belgilengen tártippen qabyldanady.
