Almaty qalasyndaǵy №2 balalar qalalyq klinikalyq aýrýhanasynda úsh magnit jutyp qoiǵan 5 jastaǵy balaǵa sirek ári qaýipti asqyný saldarynan sátti ota jasaldy, dep habarlaidy dalanews.kz.
Magnitter uzaq ýaqyt boiy asqazan-ishek jolynda bolǵan. Kúshti magnittik tartylys áserinen asqazanda ornalasqan bir magnit pen ash ishektegi eki magnit bir-birine múshelerdiń qabyrǵalary arqyly tartylǵan.
Operatsiia barysynda hirýrgtar óte sirek kezdesetin asqynýdy anyqtady – asqazan men ash ishek arasynda patologiialyq bailanys (magnittik jylankóz) qalyptasqan. Uzaq ýaqyt boiy bolǵan qysym tinderdiń zaqymdanýyna jáne oiylýyna ákelgen.
Ota jasaǵan hirýrg, Almaty qalasyndaǵy №2 BQKA direktorynyń orynbasary Marat Qaptaǵaevtyń aitýynsha, operatsiia bastapqyda laparoskopiialyq ádispen bastalǵan. Alaida zaqymdanýdyń sipaty anyqtalǵannan keiin balanyń qaýipsizdigi úshin hirýrgtar ashyq operatsiia jasaýǵa sheshim qabyldaǵan.
«Jylankóz joiylyp, úsh magnittiń barlyǵy alyndy. Zaqymdanǵan tinder kesilip, tigilip qalpyna keltirildi. Qursaq qýysyna sanatsiia jasalyp, drenaj qoiyldy. Operatsiia sátti aiaqtaldy. Júrgizilgen emnen keiin balanyń jaǵdaiy jaqsardy. Aýrýhanadan shyǵarylǵan kezde onyń jalpy jaǵdaiy qanaǵattanarlyq boldy, operatsiiadan keiingi jaralarda qabyný belgileri baiqalmady», – dedi hirýrg.
Almaty qalasyndaǵy №2 BQKA direktory Marat Rabandiiarov bul klinikalyq jaǵdai balalar úshin shaǵyn magnitti oiynshyqtardyń qanshalyqty qaýipti ekenin taǵy bir márte kórsetkenin atap ótti.
«Birneshe magnit jutylǵan jaǵdaida olar asqazan-ishek jolynyń ártúrli bólikteriniń qabyrǵalary arqyly bir-birine tartylyp, oiyq jaralardyń, tesilýlerdiń, jylankózderdiń, ishek ótimsizdiginiń jáne peritonittiń damýyna sebep bolýy múmkin. Sondyqtan ata-analardy balanyń magnit jutyp qoiǵanyna kúmán týǵan jaǵdaida dereý meditsinalyq kómekke júginýge shaqyramyz. Ýaqytyly kórsetilgen kómek aýyr ári ómirge qaýip tóndiretin asqynýlardyń aldyn alýǵa múmkindik beredi», – dep túiindedi Marat Rabandiiarov.
