الماتى قالاسىنداعى №2 بالالار قالالىق كلينيكالىق اۋرۋحاناسىندا ٷش ماگنيت جۇتىپ قويعان 5 جاستاعى بالاعا سيرەك ەرٸ قاۋٸپتٸ اسقىنۋ سالدارىنان سەتتٸ وتا جاسالدى, دەپ حابارلايدى dalanews.kz.
ماگنيتتەر ۇزاق ۋاقىت بويى اسقازان-ٸشەك جولىندا بولعان. كٷشتٸ ماگنيتتٸك تارتىلىس ەسەرٸنەن اسقازاندا ورنالاسقان بٸر ماگنيت پەن اش ٸشەكتەگٸ ەكٸ ماگنيت بٸر-بٸرٸنە مٷشەلەردٸڭ قابىرعالارى ارقىلى تارتىلعان.
وپەراتسييا بارىسىندا حيرۋرگتار ٶتە سيرەك كەزدەسەتٸن اسقىنۋدى انىقتادى – اسقازان مەن اش ٸشەك اراسىندا پاتولوگييالىق بايلانىس (ماگنيتتٸك جىلانكٶز) قالىپتاسقان. ۇزاق ۋاقىت بويى بولعان قىسىم تٸندەردٸڭ زاقىمدانۋىنا جەنە ويىلۋىنا ەكەلگەن.
وتا جاساعان حيرۋرگ, الماتى قالاسىنداعى №2 بقكا ديرەكتورىنىڭ ورىنباسارى مارات قاپتاعاەۆتىڭ ايتۋىنشا, وپەراتسييا باستاپقىدا لاپاروسكوپييالىق ەدٸسپەن باستالعان. الايدا زاقىمدانۋدىڭ سيپاتى انىقتالعاننان كەيٸن بالانىڭ قاۋٸپسٸزدٸگٸ ٷشٸن حيرۋرگتار اشىق وپەراتسييا جاساۋعا شەشٸم قابىلداعان.
«جىلانكٶز جويىلىپ, ٷش ماگنيتتٸڭ بارلىعى الىندى. زاقىمدانعان تٸندەر كەسٸلٸپ, تٸگٸلٸپ قالپىنا كەلتٸرٸلدٸ. قۇرساق قۋىسىنا ساناتسييا جاسالىپ, درەناج قويىلدى. وپەراتسييا سەتتٸ اياقتالدى. جٷرگٸزٸلگەن ەمنەن كەيٸن بالانىڭ جاعدايى جاقساردى. اۋرۋحانادان شىعارىلعان كەزدە ونىڭ جالپى جاعدايى قاناعاتتانارلىق بولدى, وپەراتسييادان كەيٸنگٸ جارالاردا قابىنۋ بەلگٸلەرٸ بايقالمادى», – دەدٸ حيرۋرگ.
الماتى قالاسىنداعى №2 بقكا ديرەكتورى مارات رابانديياروۆ بۇل كلينيكالىق جاعداي بالالار ٷشٸن شاعىن ماگنيتتٸ ويىنشىقتاردىڭ قانشالىقتى قاۋٸپتٸ ەكەنٸن تاعى بٸر مەرتە كٶرسەتكەنٸن اتاپ ٶتتٸ.
«بٸرنەشە ماگنيت جۇتىلعان جاعدايدا ولار اسقازان-ٸشەك جولىنىڭ ەرتٷرلٸ بٶلٸكتەرٸنٸڭ قابىرعالارى ارقىلى بٸر-بٸرٸنە تارتىلىپ, ويىق جارالاردىڭ, تەسٸلۋلەردٸڭ, جىلانكٶزدەردٸڭ, ٸشەك ٶتٸمسٸزدٸگٸنٸڭ جەنە پەريتونيتتٸڭ دامۋىنا سەبەپ بولۋى مٷمكٸن. سوندىقتان اتا-انالاردى بالانىڭ ماگنيت جۇتىپ قويعانىنا كٷمەن تۋعان جاعدايدا دەرەۋ مەديتسينالىق كٶمەككە جٷگٸنۋگە شاقىرامىز. ۋاقىتىلى كٶرسەتٸلگەن كٶمەك اۋىر ەرٸ ٶمٸرگە قاۋٸپ تٶندٸرەتٸن اسقىنۋلاردىڭ الدىن الۋعا مٷمكٸندٸك بەرەدٸ», – دەپ تٷيٸندەدٸ مارات رابانديياروۆ.
