رەسەي فەدەرالدى قاۋٸپسٸزدٸك قىزمەتٸ (فسب) مەسكەۋدەگٸ سيناگوگاعا جوسپارلانعان لاڭكەستٸك شابۋىلدىڭ الدىن العانىن مەلٸمدەدٸ. ۆەدومستۆو بۇنى "ورتا ازييا ەلدەرٸنٸڭ بٸرٸنەن كەلگەن" ادام جاساماق بولعانىن جەتكٸزدٸ, دەپ حابارلايدى Dalanews.kz.
“رەسەي فەدەراتسيياسىنىڭ فەدەرالدى قاۋٸپسٸزدٸك قىزمەتٸ مەسكەۋدەگٸ ەۆرەي دٸني مەكەمەسٸندە ازاماتتاردىڭ جاپپاي جينالۋى كەزٸندە تەراكت جاساۋدى جوسپارلاعان ورتا ازييا ازاماتىنىڭ قىلمىستىق ەرەكەتٸنٸڭ جولىن كەستٸ”, - دەلٸنگەن حابارلامادا.
بۇل جٶنٸندە رەسەيدٸڭ ارنايى قىزمەتٸنە سٷيەنگەن "ينتەرفاكس" اگەنتتٸگٸ مەلٸمدەدٸ.
وقيعانىڭ قاي كٷنٸ بولعانى جەنە كٷدٸكتٸنٸڭ اتى-جٶنٸ دە بەلگٸسٸز. فسب-نىڭ ايتۋىنشا,كٷدٸكتٸ تۇرعان ورىننان تٸنتۋ كەزٸندە جارىلعىش زاتتار تابىلعان.
"ٶز ەلٸندە قىلمىس جاساپ, قامالعان ول جازاسىن ٶتەگەن كەزدە تەرروريزم بويىنشا سوتتالعان ادامدارمەن بايلانىس ورناتىپ, سولاردىڭ ىقپالىمەن رەسەي فەدەراتسيياسىندا تىيىم سالىنعان حالىقارالىق تەرروريستٸك ۇيىمنىڭ يدەولوگيياسىن تاراتا باستاعان" دەپ جازىلعان ۆەدومستۆو حابارلاماسىندا.
ايتۋلارىنشا, 2023 جىلدىڭ قاراشاسىندا كولونييادان شىققان سوڭ ەر ادام رەسەيگە كەلگەن.
“مەسكەۋدە تۇرىپ جاتقان شەتەلدٸكتەر لاڭكەستٸك ەرەكەت جاساۋعا دايىندالعان: ول استاناداعى سيناگوگالاردىڭ بٸرٸندە “قورشالعان اۋماققا بارلاۋ جٷرگٸزگەن”, سونداي-اق قولدان جاسالعان جارىلعىش قۇرىلعىنى جاساۋعا ارنالعان بٶلشەكتەر ساتىپ العان”, - دەپ حابارلادى.
فسب بۇعان قوسا, دونەتسكٸدەگٸ ەسكەري نىساندا تەراكت ۇيىمداستىرماق بولدى دەپ كٷدٸككە ٸلٸنگەن ورتا ازييانىڭ التى ازاماتى ۇستالعانىن حابارلادى. بۇل جٶنٸندە Astra تەلەگرام-ارناسى حابارلادى.
بۇعان دەيٸن رەسەي فسب-سى كالۋگا وبلىسىندا قازاقستاننىڭ ەكٸ ازاماتى سەبيت ەشٸرەليەۆ پەن جەنٸبەك تاسقۇلوۆتى ٶلتٸرگەنٸ بەلگٸلٸ بولعان.
فسب-نىڭ سٶزٸنشە, ولار "مەسكەۋدەگٸ سيناگوگالاردىڭ بٸرٸنە قارۋلى شابۋىل جاساۋدى جوسپارلاعان".
ەسكە سالايىق, جاقىندا كروكۋس سيتي حوللدا بولعان لاڭكەستٸك شابۋىلدى ەسكەرسەك, ٷلكەن دٷمپۋ رەسەي مەن ورتا ازييا مەملەكەتتەرٸنٸڭ بٸر-بٸرٸنە دەگەن سەنٸمٸنە سەلكەۋ تٷسٸرگەنٸن بايقاۋعا بولادى. مەسەلەن, سوعان بايلانىستى ميلليونداعان تەجٸك ميگرانتى ەلدەن جاپپاي كەتٸپ جاتىر.
تەراكتٸدەن كەيٸنگٸ كٷنٸ شەرەمەتەۆوعا قونعان قىرعىزستان ازاماتتارى ەۋەجايدا بٸر تەۋلٸكتەن اسا شىعا الماعان. بۇعان جاۋاپ رەتٸندە قىرعىزستاننىڭ سىرتقى ٸستەر مينيسترلٸگٸ وتانداستارىنا رەسەي ەلٸنە بارماۋعا كەڭەس بەرگەن ەدٸ. ال رەسەيدەگٸ تەجٸك دياسپوراسى تۇرعىندارىن بۇرىنعىدان دا اباي بولۋعا شاقىردى.
سونىمەن بٸرگە رەسەيلٸكتەر تەجٸكتەردٸڭ قىزمەتٸنەن باس تارتىپ قانا قويماي, ولاردى ۇرىپ-سوعۋ جاعدايلارى دا بەلەڭ العان. رەسەيلٸك Mediazona باسىلىمىنىڭ حابارلاۋىنشا, لاڭكەستٸك ەرەكەتتەن كەيٸن ەكٸ كٷن ٸشٸندە قۇقىق قورعاۋشىلارعا ورتا ازييادان كەلگەن ميگرانتتاردان 2500-دەن استام شاعىم تٷسكەن. نەگٸزگٸ شاعىمدار: پوليتسييانىڭ نەگٸزسٸز تەكسەرۋلەرٸ, زاڭسىز قاماۋ, ازاپتاۋ جەنە دەپورتاتسييالاۋ.
سونىمەن قاتار نوۆگورود وبلىسىنىڭ بيلٸگٸ جاڭا ميگرانتتارعا پاتەنت بەرۋدٸ دوعارىپ, بۇرىن پاتەنت العاندارعا تاكسيلەتٸپ تابىس تابۋىنا, اۆتوبۋس جٷرگٸزۋٸنە, ساۋدا جاساۋىنا, الكوگول جەنە تەمەكٸ ٶنٸمدەرٸن ساتۋىنا تىيىم سالعان بولاتىن. تيٸستٸ جارلىققا ايماق گۋبەرناتورى اندرەي نيكيتين قول قويدى. وسىلايشا, ەڭبەك ميگرانتتارى ٷشٸن نەگٸزگٸ تابىس كٶزٸ سانالاتىن كەسٸپتەرگە جول جابىلدى.
جارلىققا سەيكەس, جۇمىس بەرۋشٸلەر جۇمىسشىلارىنىڭ اتالعان ساناتتارىن بيىلعى 26 ماۋسىمعا دەيٸن جۇمىسىنان بوساتۋعا مٸندەتتەلدٸ. بۇل تىيىمنىڭ كٷشٸ رەسەيدە تۇراقتى تۇرۋعا رۇقساتى بارلارعا, ەۋرازييالىق وداققا كٸرەتٸن قازاقستان, قىرعىزستان ازاماتتارىنا عانا تارالمايدى. شەتەل ازاماتتارىنا تەك قارا جۇمىس قالادى.
بٷگٸندە تەجٸكستاننىڭ رەسمي بيلٸگٸ الاڭداۋعا نەگٸز جوق دەپ سەندٸرسە دە, ساتىلعان بيلەتتەر سانىنا قاراعاندا, رەسەي تەجٸكتەر ٷشٸن ٷرەيلٸ مەملەكەتكە اينالعانىن اڭعارۋعا بولادى. مۇندا نەپاقاسىن تابۋعا باراتىن ادامدار سانى ايتارلىقتاي ازايعان.
