ماسكەۋ بيرجاسىنا قارسى سانكسيا قازاقستانعا قالاي اسەر ەتەدى؟

ساعىنىش سارداروۆا 18 ماۋ. 2024 11:12 2941

جۋىردا ماسكەۋ بيرجاسىنا اقش سانكسياسى سالىندى. بۇل كورشى وتىرعان قازاقستان نارىعىنا، ەكونوميكاسىنا قالاي اسەر ەتۋى مۇمكىن؟ ساراپشىلاردىڭ سوزىنشە، مۇنىڭ ەلىمىزگە ايتارلىق زيانى تيمەيدى، - دەپ حابارلايدى Dalanews.kz.

The Times of Central Asia مالىمەتىنشە، اقش-تىڭ ماسكەۋ بيرجاسىنا (MOEX) قارسى سانكسيا سالۋى قازاقستاندىق قور بيرجاسى (KASE) ءۇشىن قانداي دا ءبىر قۇقىقتىق سالدارعا اكەپ سوقپايدى، ويتكەنى قازاقستاندىق كاپيتالداعى رەسەيدىڭ ۇلەسى ايتارلىقتاي كوپ ەمەس. بۇل تۋرالى KASE باسپا ءسوز قىزمەتى مالىمدەگەن.

"12 ماۋسىمدا اقش-تىڭ شەتەلدىك اكتيۆتەردى باقىلاۋ باسقارماسى (OFAC) ماسكەۋ بيرجاسىن SDN تىزىمىنە ەنگىزدى، بۇل ونىڭ امەريكالىق بانكتەر مەن دەپوزيتارييلەردەگى شوتتارى بۇعاتتالادى دەگەندى جانە اقش ازاماتتارى مەن رەزيدەنتتەرى ءۇشىن ىنتىماقتاستىققا تىيىم سالاتىنىن بىلدىرەدى. بيرجا ۆاليۋتا بولىمىندە دوللار مەن ەۋرو ساۋداسىن توقتاتاتىنىن مالىمدەدى"، - دەپ جازىلعان مالىمەتتە.

باسىلىم مالىمەتىنشە، كومپانيانىڭ SDN تىزىمىنە ەنگىزىلۋىنەن ونىڭ بارلىق سەرىكتەسىنە، سونىڭ ىشىندە ءۇشىنشى ەلدەردەگى سەرىكتەستەرىنە ەكىنشى رەتتىك سانكسيالار سالىنبايدى. جارعىلىق كاپيتالىنىڭ كەمىندە 50 پايىزىنا يەلىك ەتسە عانا سانكسيا سالىنعان كومپانيالاردىڭ ەنشىلەس ۇيىمدارىنا شەكتەۋلەر قويىلۋى مۇمكىن. موسبيرجا KASE اكسيالارىنىڭ 13،1 پايىزىن يەلەنەدى، ياعني ول SDN تىزىمىنە ەنگەن كومپانيانىڭ باقىلاۋىنداعى كومپانيا بولىپ سانالمايدى.

"قازاقستاندىق قور بيرجاسى مەن KASE كليرينگتىك ورتالىعى شتاتتىق رەجيمدە جۇمىسىن جالعاستىرۋدا. ستاندارتتى ەرەجەلەر بويىنشا ساۋدا-ساتتىق، كليرينگ جانە ەسەپ ايىرىسۋ جۇزەگە اسىرىلا بەرەدى. KASE سانكسيالىق شەكتەۋلەردى ەسكەرە وتىرىپ، ماسكەۋ بيرجاسىمەن ىسكەرلىك قاتىناستاردى جالعاستىرۋ مۇمكىندىگىن قاراستىرادى"، - دەلىنگەن قازاقستان قور بيرجاسىنىڭ حابارلاماسىندا.

بىلتىر قاراشادا KASE باسشىسى پلاتفورما سانكسيا ءقاۋپىن مۇقيات تالدايتىنىن ايتقان بولاتىن.

ال ەكونوميست راسۋل رىسمامبەتوۆ بۇعان دەيىن باسىلىمعا رەسەيدەگى ءبىرقاتار قارجى قۇرىلىمىنا قارسى سانكسيا قازاقستانعا تىكەلەي اسەر ەتپەيتىنىن ايتقان ەدى. الايدا رەسەي بيلىگىنىڭ ارەكەتتەرى قازاقستان ءۇشىن مىندەتتى تۇردە زارداپتارعا اكەپ سوقتىرادى.

"ءبىر ساتتە رەسەيدىڭ قارجى بيلىگى سانكسيالاردىڭ قىسىمى ولاردىڭ قىزمەتىن قيىنداتۋعا ەمەس، ولاردىڭ قارجىلىق قۇرىلىمىن بۇزۋعا باعىتتالعانىن تۇسىنەدى"، - دەپ جازدى رىسمامبەتوۆ الەۋمەتتىك جەلىلەردە.

دەگەن ساراپشى ءرۋبلدىڭ قۇنسىزدانۋى قانت، ءسۇت جانە استىق وندىرەتىن قازاقستاندىق كاسىپكەرلەرگە اسەر ەتەدى دەپ سانايدى.


ۇسىنىلعان
سوڭعى جاڭالىقتار