كارىم ءماسىموۆتىڭ قىزى بۇرىنعى كۇيەۋى ازامات قاپەنوۆپەن مۇلىكتى ءبولۋ ءىسى بويىنشا سوت شەشىمىنە شاعىمداندى، دەپ حابارلايدى Dalanews.kz.
بۇل پروسەسس ەكى جىلدان بەرى جالعاسىپ كەلەدى. سوت بازاسىنداعى دەرەكتەرگە سايكەس، تالاپ ارىز بىرنەشە رەت وزگەرتىلگەن. 2025 جىلدىڭ 9 ماۋسىمىندا سوت تاميللا كارىمنىڭ تالابىن قاناعاتتاندىرۋدان باس تارتقان. 30 شىلدەدە ول اپەللياسيا بەرگەن.
قاي مۇلىك جايلى ءسوز بولىپ جاتقانى ازىرگە بەلگىسىز، ويتكەنى سوت شەشىمىنىڭ ءماتىنى ءالى جاريالانعان جوق.
2022 جىلى «ۆىحود ك موريۋ» تەلەگرام-ارناسى قاپەنوۆتىڭ ماسكەۋدە، سونداي-اق رۋبليەۆكا مەن سەرەبريانىي بور اۋداندارىندا جىلجىمايتىن مۇلىكتەرى بار ەكەنىن حابارلاعان. بۇل اكتيۆتەردىڭ جالپى قۇنى شامامەن 10 ملرد تەڭگە دەپ باعالانعان.
بۇعان دەيىن كارىم مەن قاپەنوۆ بالالارعا قاتىستى – قامقورلىق پەن ولاردىڭ تۇرعىلىقتى جەرىن انىقتاۋ ماسەلەلەرىن شەشكەن بولاتىن. 2022 جىلدىڭ جەلتوقسانىندا بىرىككەن اراب امىرلىكتەرىنىڭ مۇسىلمان ەمەستەرگە قاتىستى ىستەردى قارايتىن سوتى شەشىم شىعارىپ، بالالاردىڭ ءار ايدىڭ العاشقى ەكى اپتاسىن اناسىمەن، ال قالعان ەكى اپتاسىن اكەسىمەن وتكىزۋىن بەكىتكەن.
سونداي-اق وقىڭىز: انتيكور قاپەنوۆتى الاياقتىققا قاتىسى بار دەگەن كۇدىكپەن ىزدەستىرىپ جاتىر.
