Kárim Másimovtyń qyzy burynǵy kúieýi Azamat Qapenovpen múlikti bólý isi boiynsha sot sheshimine shaǵymdandy, dep habarlaidy Dalanews.kz.
Bul protsess eki jyldan beri jalǵasyp keledi. Sot bazasyndaǵy derekterge sáikes, talap aryz birneshe ret ózgertilgen. 2025 jyldyń 9 maýsymynda sot Tamilla Kárimniń talabyn qanaǵattandyrýdan bas tartqan. 30 shildede ol apelliatsiia bergen.
Qai múlik jaily sóz bolyp jatqany ázirge belgisiz, óitkeni sot sheshiminiń mátini áli jariialanǵan joq.
2022 jyly «Vyhod k moriý» telegram-arnasy Qapenovtyń Máskeýde, sondai-aq Rýblevka men Serebrianyi bor aýdandarynda jyljymaityn múlikteri bar ekenin habarlaǵan. Bul aktivterdiń jalpy quny shamamen 10 mlrd teńge dep baǵalanǵan.
Buǵan deiin Kárim men Qapenov balalarǵa qatysty – qamqorlyq pen olardyń turǵylyqty jerin anyqtaý máselelerin sheshken bolatyn. 2022 jyldyń jeltoqsanynda Birikken Arab Ámirlikteriniń musylman emesterge qatysty isterdi qaraityn soty sheshim shyǵaryp, balalardyń ár aidyń alǵashqy eki aptasyn anasymen, al qalǵan eki aptasyn ákesimen ótkizýin bekitken.
Sondai-aq oqyńyz: Antikor Qapenovty alaiaqtyqqa qatysy bar degen kúdikpen izdestirip jatyr.
