ۇلتتىق قاۋىپسىزدىك كوميتەتىنىڭ بۇرىنعى باسشىسى كارىم ءماسىموۆ راقىمشىلىق جاساۋ تۋرالى ءوتىنىش بەردى، دەپ حابارلايدى Dalanews.kz.
قازىرگى ۋاقىتتا ول سىبايلاس جەمقورلىققا قارسى ءىس-قيمىل اگەنتتىگىنىڭ شەشىمىمەن استاناداعى ۇلتتىق قاۋىپسىزدىك كوميتەتىنىڭ تەرگەۋ يزولياتورىندا وتىر.
"ءيا، ول وسى مەكەمەدەن 2024 جىلدىڭ ناۋرىز ايىندا قازاقستان رەسپۋبليكاسى پرەزيدەنتىنىڭ اتىنا كەشىرىم تۋرالى ءوتىنىش جولداعان" دەپ راستادى ۇقك Informburo.kz ساۋالىنا جاۋاپ بەرە وتىرىپ.
سونداي-اق ماسىموۆكە قاتىستى قىلمىستىق كودەكستىڭ 218-باپتىڭ 3-بولىگىنىڭ 3-تارماعى ("قىلمىستىق جولمەن الىنعان اقشانى جانە وزگە دە مۇلىكتى زاڭداستىرۋ") جانە 366-بابىنىڭ 4-بولىگى ("اسا ءىرى كولەمدە پارا الۋ") بويىنشا سوتقا دەيىنگى تەرگەۋ ءجۇرىپ جاتقانى حابارلاندى.
ايتا كەتەيىك، ءماسىموۆ 2022 جىلعى قاڭتار وقيعاسى كەزىندە ۇستالىپ، مەملەكەتكە وپاسىزدىق جاسادى جانە بيلىكتى باسىپ الماق بولدى دەگەن ايىپپەن سوتتالعان ەدى. وعان قاتىستى قىلمىستىق ءىس اسا قۇپيا گريفىمەن بەلگىلەندى. 2023 جىلدىڭ ءساۋىر ايىنىڭ سوڭىندا استانا سوتى ونى مەملەكەتكە وپاسىزدىق جاسادى، بيلىكتى كۇشپەن باسىپ الۋعا ارەكەتتەندى جانە بيلىكتى اسىرا پايدالاندى دەگەن ايىپپەن 18 جىلعا باس بوستاندىعىنان ايىردى. ونىڭ ۇكىمگە شاعىمدانۋ ارەكەتى ءساتسىز اياقتالدى – اپەللياسيالىق سوت ۇكىمدى وزگەرىسسىز قالدىردى.
