Ulttyq qaýipsizdik komitetiniń burynǵy basshysy Kárim Másimov raqymshylyq jasaý týraly ótinish berdi, dep habarlaidy Dalanews.kz.
Qazirgi ýaqytta ol Sybailas jemqorlyqqa qarsy is-qimyl agenttiginiń sheshimimen Astanadaǵy Ulttyq qaýipsizdik komitetiniń tergeý izoliatorynda otyr.
"Iá, ol osy mekemeden 2024 jyldyń naýryz aiynda Qazaqstan Respýblikasy Prezidentiniń atyna keshirim týraly ótinish joldaǵan" dep rastady UQK Informburo.kz saýalyna jaýap bere otyryp.
Sondai-aq Másimovke qatysty Qylmystyq kodekstiń 218-baptyń 3-bóliginiń 3-tarmaǵy ("Qylmystyq jolmen alynǵan aqshany jáne ózge de múlikti zańdastyrý") jáne 366-babynyń 4-bóligi ("Asa iri kólemde para alý") boiynsha sotqa deiingi tergeý júrip jatqany habarlandy.
Aita keteiik, Másimov 2022 jylǵy qańtar oqiǵasy kezinde ustalyp, memleketke opasyzdyq jasady jáne bilikti basyp almaq boldy degen aiyppen sottalǵan edi. Oǵan qatysty qylmystyq is asa qupiia grifimen belgilendi. 2023 jyldyń sáýir aiynyń sońynda Astana soty ony memleketke opasyzdyq jasady, bilikti kúshpen basyp alýǵa árekettendi jáne bilikti asyra paidalandy degen aiyppen 18 jylǵa bas bostandyǵynan aiyrdy. Onyń úkimge shaǵymdaný áreketi sátsiz aiaqtaldy – apelliatsiialyq sot úkimdi ózgerissiz qaldyrdy.
