مەسٸموۆ تەۋبەسٸنە تٷسە مە?
دوساەۆ كەتتٸ. نە ٶزگەردٸ? نە ٶزگەرەدٸ? ەشتەڭە.
جەر كودەكسٸنٸڭ دٷدەمال باپتارىن قايتا قاراپ, ونى تولىقتىرىپ نەمەسە سول كٷيٸ قالدىرىپ, ۇزاق ۋاقىت تٷسٸندٸرەر, اقىرى حالىق بٷگٸنگٸ تەبٸنٸنەن قايتىپ, جالىعار... ال ٷكٸمەت شە?
بارلىق كٸنە دوساەۆ توبىنىڭ دۇرىس تٷسٸندٸرە الماۋىنان بولسا, وندا جاراسى جەڭٸل, ول كەتتٸ, ەندٸ ەشقانداي باسى ارتىق ەڭگٸمە بولماۋى تيٸس.
ال سول زاڭدى تەك قانا دوساەۆ باسقارعان مينيسترلٸك ەزٸرلەگەن جوق قوي. مەسٸموۆ ٷكٸمەتٸنٸڭ باسقا مەكەمەلەرٸ دە سول زاڭدى قاراعاندىعى, ونى ەلدە نەشە رەت پىسىقتاعانى انىق. سولاي بولا تۇرا پرەزيدەنت ايتپاقشى «حالىققا ۇنامايتىن زاڭدى» ەزٸرلەگەن, ونى ەلگە ۇسىنعان مەسٸموۆ ٷكٸمەتٸ نەگە بٸر اۋىز سٶز ايتپادى. مەسٸموۆ نەگە تەۋبەسٸنە تٷسپەدٸ?! مەسٸموۆتى ۇستاپ تۇرعان قانداي كٷش?
وسىدان 4-5 جىل بۇرىن مەملەكەتتٸك باق-تاردا مەسٸموۆتىڭ سۋرەتتەرٸن جارييالامايتىن ناۋقان بولىپ ەدٸ. كٶپكە سوزىلعان جوق. ول جىلدارى نەدەن جازىقتى بولعانىن بٸلمەيمٸز... تىعىرىقتان تەز شىقتى. ەلدە ونى تەۋبەسٸنە تٷسٸرۋ ٷشٸن پرەزيدەنت اپپاراتى سونداي «ٸشكٸ جازالاۋدى» قولعا العانى جٶن بە? اقىل ايتاتىن بٸز ەمەس, ەلدٸڭ ٷكٸمەتكە, بيلٸككە سەنٸمٸن شايقاپ, تٸپتٸ نەشەتٷرلٸ الىپقاشپا ەڭگٸمەگە ارقاۋ بولعان جەر كودەكسٸنٸڭ جازاسىن تەك دوساەۆ ەمەس, مەسٸموۆ تە ارقالاۋى كەرەك.
بٸر بٸلەرٸمٸز, مەسٸموۆ وتستاۆكاعا كەتپەيدٸ. ونداي قۇدٸرەت جوق بٸزدە... كەيبٸر دەرەكتەر ونى رەسەي مەن قىتايدىڭ ورتاق ادامى دەيدٸ. ەكەۋٸنٸڭ دە مٷددەسٸن وسى مەسٸموۆ قورعاپ وتىر. ەندٸ بٸر اقپارات كٶزدەرٸ ول پرەزيدەنت وتباسىمەن ەڭ جاقىن سەرٸكتەس, اندا دەسەدٸ. كٸم بٸلگەن?!..
مەسٸموۆ پرەمەر بولعالى بەرٸ راسىمەن دە كريزيستەن كٶز اشپادىق. ٷلەسكەرلەر شۋى, كرەديت تۋرالى داۋ-جانجال, «ٷش تۇعىرلى تٸل», دٸني الاۋىزدىق, تەرروريستٸك ەرەكەتتەردٸڭ كٶرٸنٸس بەرۋٸ, بٸرنەشە دٷركٸن تابيعات اپاتى بولدى, وعان ەندٸ جەر داۋىن قوسىڭىز. سوندا دا مەسٸموۆتىڭ ەشتەڭەسٸ قيسايعان جوق. قانشا مينيستر اۋىستى, ۇستالدى, قامالدى, شەتكە قاشتى. تەك مەسٸموۆ مىزعىر ەمەس...
مەسٸموۆ تە سەل دە بولسا ۇيات بولسا, وسى جولى تىم قۇرىعاندا حالىقتان كەشٸرٸم سۇرار ەدٸ. جوق, ونىڭ ەشقاشان حالىق الدىندا اقتارىلعانىن كٶرگەن ەمەسپٸز. كٶرمەيتٸن دە سيياقتىمىز. بەرٸن مۇرتى استىنان كٷلٸپ, جاسىرىن جٶنگە سالىپ كەلەدٸ.
وسى جولى پرەزيدەنت نازارباەۆ حالىقتىڭ شىن ىقىلاسىنا يە بولام دەسە, مٸندەتتٸ تٷردە مەسٸموۆتى جازاسىز قالدىرماۋعا تيٸس. ونسىز مىنا حالىقتىڭ اشۋى تارقاۋى قيىن.
قاشان ايتتى دەمەڭٸز, تٷپتٸڭ تٷبٸندە مەسٸموۆ بەرٸنە جاۋاپ بەرەدٸ. ول كٷن تۋادى.
